Mizoram Pig Farmers Association (MIPFA)-in Frozen Vawksa hal; Vawksa Frozen laluttute inchinfel nan May thla chhung hun an pe!

Aizawl | May 20, 2024: Mizoram Pig Farmers Association (MIPFA) chuan Frozen Vawksa lakluh an duh loh zia lantir nan vawiin chawhnu dar 2:30 vel khan PIGFED dawr kawt, Khatla-ah Frozen Vawksa an hal. MiPFA hian Vawksa Frozen laluttute chu an stock sa hralh chhuak a, inchinfel nan May thla chhung hun an pe!

May thla piah lama lakluh leh chu an chungah eng pawh thleng se an pawlin mawh an phurh dawn loh thu an sawi.

MIPFA chuan lungawi lohna an lantir chhan leh, hetianga hma an lak chhan an sawi.

1. Sawkar in a khap tlat, Dan dinglai awm reng chunga, State pawn a tanga thlatin (Matric ton) tam tak lo lut thin (Frozen vawksa) hi, ASF hri lo keng luttu a nih mai bakah vawkvulhtu te min eichhetu ani a, mi tlem te, Middle man kan tih te hlawkna ni.

2. (Frozen vawksa) lalut thintu te chu heng mite hi an ni:

1. KT Business (Zemabawk).

2. Pi Malsawmi (Dawrpui Vengthar) Star Farm neitu.

3. Honesty Food leh

4. Mam's Food te hi lalut nasa ber tute an ni a, an stock sa hralhchhuah nan (May) thlachhung hi hun kan pe e.

3. Lo phurlut thin tute chu, KLS courier leh VLD Logistic te an ni a, heng mite hian tun hnuah lalut tawh lo tur leh zuar tawh lo turin kan hriattir nghal ani. An tilui leh a nih chuan an chungah eng harsatna pawh thleng se MIPFA chuan mawh a phur lo ang.

4. Vawkvulha ei zawngtute hian harsatna nasa tak kan tawk zing ta mawlh mawlh hle mai a. 2 Bank Loan rulh ngai bawk, hri ven ngai bawk, Zoram mipui te hian kan harsatna min lo hriatpui tur leh min lo support turin kan sawm tak meuh che u a ni.

5. Sawrkar chuan Farmer te khaichhuah hi tum ber leh a au hla ber anih angin, a dan siam hi na taka kengkawh turin kan phut bawk a ni. Sawkar tha ti chak turin MIPFA hian puih a in huam reng a ni.