India Skills-ah Mizoram-in Gold pathum leh Silver pakhat la

Aizawl | May 19, 2024: India Skills Competition 2024 chu vawiin khan a hmawr bawk a ni a, Mizoram-in Gold pathum leh silver pakhat an la.

Mizoram hian, Medal of Excellence pali an la tel bawk a, a vaiin medal pariat an rawn hum haw dawn a ni.

Mizoram aṭanga medal late hi Shoe Making- Vanlalbiakdiki (Gold), Floristry - Maximus Lalruatkima (Gold), Fashion Technology - Emily VL Ṭhakimi (Gold) leh Drone film making- Anthony Lalchhanhima (Silver) te an ni.

Shoe Making Gold Medalist Vanlalbiakdiki, Sihhmui tih loh hi chu Aizawl khua vek an ni a. Floristry Gold Medalist Maximus Lalruatkima hi Dawrpui niin, Fashion Technology Gold Medalist Emily VL Ṭhakimi leh  Drone Film Making Silver medalist Anthony Lalchhanhima te hi Khatla ve ve an ni.

Emily VL Thakimi

Fashion Technology Gold Medalist Emily VL Ṭhakimi hi Women's Polytechnic Aizawl-a Garment Technology zirlai a ni.

Vanlalbiakdiki

Shoe Making Gold Medalist Vanlalbiakdiki, Sihhmui hi 2022 khan India Skills-ah vek hian, Shoe Making-ah tho Gold a lo ta tawh a ni.

Mipate hian stage ah lawmman an la lo ve ve a, an thlalak kan hmu lo a ni.

India Skills-ah hian category hrang hrang 61-ah candidate 900 chuang an tel a.

India Skills hi May 15 khan Yashobhoomi, Dwarka, New Delhi-ah hawn a ni a. State leh UT 30 aṭangin zirlai 900 chuang an tel a, Industry expert 400 chuang an tel bawk a ni.

Medal of Excellence dawngtute:

1. Laltlanzovi - Medallion of Excellence (MoE), (Hair Dressing)

2. Vanlalhriatchhungi - Medallion of Excellence (MoE), (Beauty Therapy)

3. Liansangrem - Medallion of Excellence (MoE), (Plumbing & Heating)

4. Lallawmkima - Medallion of Excellence (MoE), (Electrical Installation)

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ