Mizoram a Cardiovascular-Thoracic surgeon hmasa ber Dr Mary Hmingthantluangi

Aizawl | May 15, 2024: Mizoram a Cardiovascular-Thoracic surgeon (Lung, Thisen zam leh Chuap zai thiam) hmasa ber Dr Mary Hmingthantluangi kan nei ta.

Mi tum ruh leh taima tak mai Dr. Mary Hmingthantluangi hian India ram a medical institute tha ber AIIMS New Delhi atrangin MCh CTVS (Cardiothoracic and vascular surgery) degree a nei ta.

Mizoram-ah CTVS super specialist hmasa ber tur a ni. MBBS RNT medical college, Udaipur atrang a zirin, MS Surgery KGMC Lucknow atrang in a zo a. Chumi hnu ah Aiims Delhi ah hian MCh CTVS zir turin a in ziak tling leh a ni.

Hetiang a mithiam leh taima tak super specialist doctor thar kan nei hi a lawm awm tak zet a ni.

Mizoram-in a mamawh em em leh, awm chhun a ni a. Tunah hian zir dang an la awm lo a, zir mẹk an awm lo bawk a ni.

Mizoram-ah hian hetiang lam zaina hmanrua kan la nếi lova. Mizoram-ah hetiang lam natna vei hi an tam si a, kan mamawh hle a ni.

A chanchin kimchang

~ https://www.exploremizoram.com/2020/12/mary-hmingthantluangi.html?m=1