PATHIAN CHU A HUN TAKAH A CHE ṬHIN

_Rinna Huaisen_

By Rick Warren 

— May 15, 2024

“Tichuan thil tha tih i ning suh ang u; kan inthlahdah loh zawngin a hun takah chuan kan seng dawn si a.” Galatia 6:9

I nghah meknaah chuan rilru hrehawm taka awm i thlang thei a. Chu chu kan tihdanphung a ni hrim hrim a! Kan kiang vela thil lo thlengah hian kan buai ṭhin a. Thil lo thleng hian kan nun min hneh ṭhin a, chuvang chuan nghah te, inremna leh beiseinate hi a ṭul lo tihna a awm a ni.

Rilru chiai ai chuan, Pathianah innghat zawk ang che. Chutianga i tih theihna tur chuan thil pawimawh pahnih hi hrereng ang che: Pakhatna, Pathian chu a hmanhmawh ve ngai lo. Pahnihna, Pathian chu a tlai ve ngai lo. Pathian hun tiam chu a ṭha ber fo. 

Pathian chu a tlai anga a lan changte khan eng nge lo thleng ṭhin? Pathianin thilmak hmuhtir a tum vang che a ni zawk!

Lazara tiamin Bible hmun tam takah kan hmu a (Johana 11). Lazara chu Isua ṭhian ṭha a ni a, farnu pahnih Mari leh Marthi a nei a. Bethani khuaah an cheng a, Lazara a damloh lai chuan chu khua aṭanga hla vak lo ah Isua a awm a. Isua hnenah chuan a ṭhian Lazara chu na takin a damlo a ni tih thu an chah a.

Darkar khat emaw darkar hnih lek emaw chhungin Isuan Bethani khua chu a thleng thei reng. Mel 5 lek a hla kal thleng turin ni thum emaw lai a ngai tlat. Khua a thlen meuh chuan, "i tlai tawh lutuk.  Lazara chu kan phum tawh," an ti a. Isua chu a tlai lo - a thiltih tur a hriatchian em vang zawk a ni. A thiltum chu Lazara tihdam a ni. Thih hnu kaihthawh chu a tum a ni. Isua thiltum chu Lazara tihdam ngawr ngawr a ni lo va. Thilmak thlentir a tum zawk a ni.

Lazara thlanah Isua a kal a, lung lum sawn turin a ti a, tichuan, “Lazar, lo chhuak rawh,” a ti a. Lazara chu a lo chhuak a!

A chhan chuan Pathianin dinhmun khirhkhan takah, thilmak chauh lo chuan a tih theihloh tur dinhmunah te min dah ṭhin.

Pathian chuan i hmalam hun a tihtur thla thar a mi tur te, kum thar a mi tur te leh kum sawm chhung a mi tur leh i tana a ruahmanna hi chu a ṭha a ni.

Chiai suh. I rinna kha tawpsan suh.  Kal zel la. Ṭawngṭai leh rawngbawlin Pathian chhungte nen inkawm ṭhin rawh u. Chi tuh zel la. Ring chhunzawm zel la. A chhan chu thilmak lo thkeng turin i inpeih a ngai a ni.

Ngaihtuah zui atan

* Hun harsa i paltlang laia kal zel thei turin pawlho ah nge kohhranah nge chakna i lak?

* Pathianin i tana a ruahman chu a ṭha a. Engvangin nge thil ṭha lo chu i chungah a la thlen cheu nia i hriat?

* I nghah mek lai hian Pathian hnenah ṭhanzel i duhdan leh ṭanpui i duhdan han ziak teh.

*[Lettu: Sangpuia]*