HSSLC Result a chhuak; Topper mipa vek an ni!

Aizawl | May 21, 2024: Mizoram Board of School Education (MBSE) chuan vawiin chhun dar 12:00 khan Higher Secondary School Leaving Certificate (HSSLC) exam result a tichhuak a, Arts, Commerce leh Science a topper te mipa vek an ni.

Science leh Commerce topper hi St Pauls HSS zirlai ve ve niin, Lalramdina Ralte S/o Lalthakima chu mark 477 hmuin Science topper a ni.

David Lalhminghlua S/o Paul Zakhuma chu 460 hmuin Commerce topper a ni.

Arts Topper Linden Lalremruatpuia s/o C Lalrindika chuan mark 471 hmuin Arts ah topper a ni a, Oikos HSS zirlai a ni.

Kumin hian a pumpuiah 78.04% an pass a, nikumah 78.66% pass kn, nikum aia kumin pass a tlemna hi 0.62% a ni.

Kumin hian Arts-ah 79.71% an pass a, nikumah 78.34% an pass thung. Science-ah kuminah 72.69% an pass a, nikumah 77.69 an pass a. Commerce-ah hian kuminah 79.60 % an pass a, nikumah 86.50% an pass thung.

Kumin zawhna hi LOTS hi 60% niin HOTS leh Application aṭangin 40% a ni.

NEP 2020 zulzuiin, kumin hian Subject pakhatah exam ṭhat tiduh tan a kum leh nghah ngai lovin, Compartmental exam rualin kuminah an exam nghal thei dawn a ni.

Compartmental exam hi zirlai 52 an awm bawk a ni.

[HSSLC Examinations 2024 - Results Highlight

1. Centre zat - 97

2. Candidate zat - 11,994

3. School zat - Arts = 205, Science 51, Commerce = 34

4. Absent zat - 170

5. Appear zat - 11824 (A=8467, 5=2808, C=549)

6. Distinction zat - 639 (Nikum aiin 170-in tlem)

7. First zat - 3367 (Nikum aiin 84-in tlem)

8. Second zat - 3525 (Nikum aiin 743-in an tlem)

9. Third zat - 1696 (Nikum aiin 860-in an tlem)

10. Pass percentage = 78.04 (Nikum aiin 0.62-in a hniam) Arts-ah 1.37-in an sang thung. (Arts = 79.71; Science = 72.69 & Corn = 79.60)

11. A pumpui thuah appear zat mipa aiin hmeichhia 880-in an tarn zawk.

12. Pass zat pawh hmeichhia an tarn zawk a, 679-in an tarn zawk.

13. District malah chuan Arts-ah Mamit District pass percentage a sang ber a, 87.94% a ni a, Science-ah Aizawl District niin 78.12 % an pass a, Commerce-ah Aizawl District tho niin 90.72 % an pass.

14. Ram puma Arts-a Pakhatna hian mark 471 a hmu a, Science-a Pakhatnain 477 leh Commerce-a Pakhatnain 460 a hmu a ni.

15. An candidate zawng zawngte pass vek thei hi Arts-ah school 54, Science-ah school 2 leh Commerce-ah school 6 an awm.

16. Candidate zawng zawng fail vek hi Arts-ah school 2, Science-ah school 2 leh Commerce-ah school 1 an awm.

Result en theihna tur leh en dan tur:

HSLC Result hi MBSE website - www.mbse.edu.in emaw mbseonline.com -ah en theihin a awm ang.

mbseonline.com atanga result en turin mbseonline.com ah i lut anga, chumi hnuah My Result-ah i hmet leh.

Hetianga kal kual kher lo hian, direct link https://www.mbseonline.com/my-result ah hian hmeh mai theih a ni bawk.

Hetah hian, a hnuaia kan dah ang hian Examination-ah hian HSLC leh HSSLC thlan tur a awm ang a, pawl 12 result en tur tan HSSLC i thlang ang a. Chuan, Board roll no, leh Board registration no. i chhu lut leh ang.

MBSE website www.mbse.edu.in aṭanga lutte tan a hnuaia thlalak kan dah ang hian result tih ah hmeh tur a ni.

Result en tur an tam thin vangin MBSE website i lut tlang lawk thei lo a nih chuan India Results aṭangin a en theih thin a, a link chu http://mizoram.indiaresults.com/mbse/default.aspx a ni.

A hnuaia kan dah hi India Results aṭanga result enna lan dan a ni.