Ather Pro Volleyball League / Mipa Final Hunthar leh Tuichangral a hmunnawm dawn

Ather Pro Volleyball League 2024 Final chu May ni 31, 2024 (Zirtawpni) zan dar 8:00-ah LPS Arena, Falkland-ah Hunthar leh Tuichangral an inhmachhawn dawn. A hmun a en duh tan kal hma a chi ang. A hmunah Ticket a lei theih dawn a ni. En tur an tam dawn avangin i chang lo palh ang e. Pakhat tan Rs 100/- a ni dawn a ni.

HUNTHAR vs TUICHANGRAL

Championship kal mekah Huntharin vawi ruk khel tawhin an chak vek a, set khat chiah an la hloh. Tuichangralin tum li hnehna chang tawhin league-ah vawi hnih an tlawm a, May 18 khan set thum faiin Huntharin an hneh.

2016-a Pro Volleyball League kalpui a nih atanga mipa team pahnih tel kim vek zingah Hunthar an tel a; Aizawl pawn atanga tel hmasa ber Tuichangralin 2018 atangin season nga an hman zawnna a ni.

HNUHMA

HUNTHAR : Champion - 2017 & 2018, Pahnihna - 2023

TUICHANGRAL : Pahnihna - 2018

INSUT TAWHNA

Pro Volleyball League-ah vawi ruk intawng tawhin tum nga Hunthar an chak a, tum khat Tuichangral an chak.

May 18, 2024 - League Round

Hunthar def Tuichangral : 25-23, 25-13, 25-22 (3-0)

June 8, 2023 - League Round

Hunthar def Tuichangral : 25-20, 21-25, 25-23, 25-20 (3-1)

May 7, 2022 - League Round

Hunthar def Tuichangral : 25-19, 20-25, 25-23, 18-25, 15-6 (3-2)

May 10, 2019 - League Round

Hunthar def Tuichangral : 15-12, 15-6, 14-16, 15-12, 11-15 (3-2)

April 20, 2018 - FINAL

Hunthar def Tuichangral : 25-21, 25-17, 25-22 (3-0)

April 5, 2018 - League Round

Tuichangral def Hunthar : 25-22, 25-21, 19-25, 23-25, 15-13 (3-2)

2024

Pro Volleyball League vawi sarihnaah tum ruk ve ve khelin final an lut a; an khelh tawh china an player-te chet dan :

HUNTHAR

Anurag Rawat : point hmuh 152, point hloh 62 = 90

Fabian Lallunghnema : point hmuh 85, point hloh 25 = 60

Lalnunfela : point hmuh 36, point hloh 7 = 29

C Lalhriatpuia : point hmuh 42, point hloh 26 = 16

Wilson Lalremruata : point hmuh 30, point hloh 15 = 15

Captain Remsangzuala (setter) : Kuriz Player of the Match-ah vawi khat thlan a ni a, 2017 leh 2023-ah Best Setter-a thlan a ni tawh.

Coach VL Malsawma Renthlei chuan kum zawnin final a luhpui a, nikumah set thum set hnihin TNT hneh lova uiawm takin an tlawm.

TUICHANGRAL

Sonu : point hmuh 95, point hloh 45 = 50

Lalbiakmuana : point hmuh 69, point hloh 21 = 48

Zomuansanga : point hmuh 76, point hloh 37 = 39

Vanlalṭanpuia : point hmuh 51, point hloh 13 = 38

Saidingpuia Sailo : point hmuh 51, point hloh 30 = 21

Setter C Zonunmawia'n semifinal-ah a khel tha hle a, 2022 khan Best Setter-a thlan a ni tawh.

Tuichangralin Pro Volleyball an khelh theihna tura a tir atanga hma latu David Aizampuia Fanai chuan coach a nih hnuah a vawi khat nan final a luhpui a, semifinal-ah vawi ruk an hneh loh zawn tawh champion lai TNT lakah chiang takin team a chakpui.