Aizawl | May 30, 2024: Dr Benjamin L Colney tia hriat, Dr. Benjamin Lalfakmawia chu tunhnai khan DM Endocrinology zir turin a inziak tling AIIMS Rank 4 a ni.
Benjy tia koh ṭhin, Dr Benjamin hi Biakdika Colney leh Ramliani te fapa niin, ITI Veng, Aizawlah an cheng a. Presbyterian Kohran a lawi an ni a. Tunah hian, Dr Benjy hi New Delhi-ah a awm mek.
Dr Benjy hi April 15, 1994 kha a lo piang a. Dr Benjy te hi unau pathum niin, mipa pahnih leh hmeichhia pakhat an ni a, ani hi a naupang ber a ni. A ute hi Dr Jonathan Lalrinmawia (upa ber) leh Dr Laltlankimi (mi lai) te an ni.
Dr Benjy hian 2010 khan HSLC Topper niin, St Peters HSS, Chhingchhip a pass chhuak a. HSSLC hi 2012 khan St Peters HSS aṭang vek hian pass-in, Science: Maths + Biology lain, 6th rank a ni.
• Zirna sang zawk:
- MBBS (KGMC, Lucknow) Gold medalist 2012-2018
- MD Medicine ( Aiims New Delhi) 2018-2021
- SR Medicine, Aiims Delhi (2021 - present)
📌 General 4th rank a nihna (Subject):
~ DM Endocrinology (Mizo in kan hriat thiam danah Sugar (Diabetes)/Thyroid leh Hormones lam Super Specialist)
📌 Tuna a thlen chin thleng tura a beih dan?
- MBBS zir turin Mizoram state entrance ka ziak a. ( Medical = Rank 3 Engineering= rank4)
- MBBS hi KGMC lucknow ah ka zir a. Chuan Specialist zir turin NEET leh AIIMS ka pe leh a. ( NEET ST rank 2, AIIMS rank 3, PGI Chandigarh rank 1). Chuan super specialist zir tur hian AIIMS/INI exam ka pe leh a, All India rank 4 ( General) ka hmu ve ta a tunah. Hemi exam hi ahmain ka lo pe tawh a, rank 11 leh rank 6 ka ni. DM Endocrinology bik hi seat a tlem em a vangin competition pawh a sang ang reng. India ram pum, INI institutes bikah hian 5 - 8 seats vel total in a awm a, hemi vang hian competition pawh subject dang aiin a sang deuh zawk.
📌 I zirna atana i chhungte pawimawhna:
- Ka nu leh pa te leh ka unau te hian ka zirna lam min ngaihpawimawh sak em em a. Zirna lam tet te atrangin min ngaih hlut sak thrin a. Tun thleng pawh hian zirna lamah chuan min support thra khawp mai.
📌 I zirna atana i ṭhiante pawimawhna:
- Zirna leh thiamna sang zawk (academics) lam a kal chuan environment leh friend circle hi a pawimawh khawp mai. Kan hriat loh hian kan nitin nun leh lehkha zir dan thleng in min influence. India ram hmunpui lam a keini aia thiam zawk (general) te compete pui hi a thra viau. State quota leh reservation kan neih hi a thra viau a, mahse chumi bakah general ho kan compete ve thei tih kan inhriat a ṭha, Mizo hnam hming mawina a ni ve zel.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: