'Hremhmun Shortcut' film June 1 zanah

Aizawl | May 30, 2024: Leitlang Pictures Production chuan, an film thar ber tur 'Hremhmun Shortcut' chu June 1 zan dar 8 hian Vanapa Hall Aizawl ah leh Lersia Play App a, release theih turin an peih fel ta.

He Film hi Lalhlimpuia Pachuau ziah niin, Film dangdai tak THIHNA NEN NI KHAT Leitlang Pictures siam tho lo ziak tawhtu kha niin, Film ziah lamah hian sulhnu tam tak lo nei tawh a ni.

Tun tum a thawnthu ziah HREMHMUN SHORTCUT pawh hi a rawn dangdai in ACTION/COMEDY lam hawi niin, mi naran pasarih tum na ran lo tak nei hausakna shortcut lamtluang pana kal hian an tum ram vanram tlafual chu awlsam takin an thleng dawn nge an duh ai rangin an tum loh lam hremhmun an thleng zawk dawn tih chu 1st June zan 8:00 PM ah mipui te finfiah theih turin chhawp chhuah a ni dawn.

Hremhmun Shortcut hi Mapuia Chongthu Direct ni in, a ni hi Film lama sulhnu tam tak lo nei tawh Film pawh sawm panga (15) chuang lo siam tawh tu a ni. Heng a film siam zingah hian KHAWNGLUNG RUN leh AMBUSH te chu hit zual bikin, Mizoram mai bakah India ram pawn thleng a, Film Makers leh Director thenkhat te ngaihven tling pha hial ani. Mizo ah chuan a ni aia Director tha leh tawnhriat ngah hi kan nei kher in a rinawm loh. Hremhmun Shortcut hi Cinematographer tha leh Leitlang Pictures atanga tawnhriat tam tak lo nei tawh Isaac Lalchhanpuia leh Mapuia Chongthu te kut chhuak a rawn ni leh dawn. Screen play hi Mapuia chongthu ni in, Leitlang Pictures Produce a ni.

A changtute zingah hian mi thar tam tak hmel kan hmu dawn a, chung zingah chuan Director fanu Remruati Chongthu pawh he film ah hian a rawn in lan dawn a, Director tha Mapuia Chongthu fanu a nih angin, A pa hnuai a debut filmah hian a role pawimawh tak Fallen Angel angin a rawn chang dawn, a rawn hnehsawh viauin a rinawm.

He film ah hian Angel Character awm leh in he role hi Rinsiampuii Fanai Ramzotlang, Lunglei nula in a rawn play ve dawn thung. Ani pawh hi Film lamah chuan tawnhriat tha tak nei tawh ni in, Call 112 (Leitlang Pictures kutchhuak) ah te pawh lo inlan tawh a ni. Chumai bakah Film lama tawnhriat tha tak tak nei hmel pawh kan hmu nual dawn, Chung zingah chuan Gilbert Colney ani hi (Ambush, Ramri leh Thih leh Dam) ah te pawh a hmel kan lo hmuh fo tawh ni in, a acting that zia chu sawi kher ngailo in kan hre vek i a rinawm. hei mai bakah hian Vanlalduhawma Hmar (Kawrthindenga) tih a kan hriat lar pawh a hmel kan hmu leh dawn, Zai lamah chauh Talent a lo nei hauh lo tih chu Ambush,Keimah Thingtlang nula leh Kherawlai ah te kan hre theuh awm e. Bangla No 9 a changtupa role hnehsawh taka lo changtu Leh Ambush ah pawh a a hmel kan hmuh tawh Lalrina Chawngthu pawh kan hmu leh dawn. Mesa Varte pawh kan hmu leh dawn a, a ni hi Actor tha tak ni in (Ambush, Kherlawi) ah te pawh a part hnehsawh taka lo chang tawh kha ni in, tun tum film ah pawh hian a rawn che bawraw leh viau tura ngaih a ni. Remruata Colney ani ve thung hi chu Bangla No 9 leh Ambush atanga Ao Liantawna tih a kan hriat pawh rawn in lan leh dawn in, Thihna nen Ni Khat leh Call 112 (Leitlang Pictures kutchhuak) a role hnehsawh taka lo play tawh thin a ni. Makima Chawngthu ani hi Ambush a Bungpui VCP role hnehsawh taka lo play tawh kha ni in hei bakah hian Call 112 pawh a Zurui pa role ang zeta rawn chang chhuak tu kha ani.A acting that zia chu Hremhmun Shortcut ah hian kan hmu leh ngei in a rinawm.

Hei bakah hian film puitlinga Role pawimawh tak nei Debut film ve tur tho Phillip B Lalrammuanna pawh rawn in lan dawn in, ani hi Born actors kan tih thei te zinga mi kha ni in, a role a rawn hnehsawh viau in a rinawm.

Actors/Actress tha tak tak kan sawi te lemchan leh chetla i hmuh duh chuan, 1st June, Zan Dar 8:00pm ah Vanapa Hall ah rawn kal tawp rawh.

Tickets man hi Rs 150/- chauh niin, man tlawm tein i mit leh beng i rawn ti tlai ve dawn lo em ni. Tickets hi show zan vek hian a hmunah lei theiin a awm mai bakah awlsam zawk nan Online a lei duh tan #8787-348-875(brighter.co) ah hian biak mai theih a ni.

Mizo mipui te kan film min lo en pui theuh turin kan in sawm a, Ram pawn a awm mek te tan pawh release zan vek hian Lersia play App lamah en theih turin a awm dawn.