Zotrek ten Mizoram puk thuk ber lut chhuak

Aizawl |April 12, 2024: Zotrek leh Rhino Youth Adventure Club te chuan Joint Expedition neiin, Mizorama puk thuk ber Tuiluttpui an lut chhuak. Tuilutpui hi Ngentiang khua, Serchhip District-a awm niin, feet 2225 zeta thuk a ni a, Mizorama puk thuk ber a ni.

Zotrek leh Rhino Youth Adventure Club member mi 40 vel te chuan Ningani khan Ngentiang hi an pan a, vawiin khan puk hi an lut ta a ni. Puk chhung hi a chhengchhiain a khawkrawk hle a, adventure lama tih theih hrang hrangte chu he puk chhungah hian a kim hle a ni. A tirah over-hang feet 80 vel awmin, puk chhungah rappelling tih ngai a awm nual bawk. Puk chhungah hian tui a awm bakah, hmun thenkhat chu a chep hle a, luh chhuah a hautak hle a ni.

Ngentiang khua hi adventure lama hmunhma nei tha tak an ni a, Mizorama puk thuk zual pathum - Tuilutpui (2225 feet), Tuilutte (1025 feet) leh MZP Puk (725 feet) te a awm a ni. Kum tin adventure club eng emaw zatin an tlawh thin a, February thla mai pawh khan Sports & Youth Services bultumin mi 60 velin Mizoram puk thuk ber hi an lo han lut chhuak tawh bawk a ni.

Heng puk bakah hian Vantawng khawh thla aia sang nia mi thenkhatin an sawi, Khuai Kham a awm bawk a, hei pawh hi tlawh man hla tak a ni.