MFA Women's League tan a ni

12/4/2024/ MFA Women's League vawi thumna chu vawiin khan Aizawl Sipai Lammual ah khelh tan a ni a, champion lai Sports & Youth Services 'A' chuan 14-1 a Lalhmachhuani Memorial FC, Ramhlun South  hnehin bul an tan tha leh hle. 

He inkhelah hian SYS 'A' tan Lalsangpuii Sailo chuan goal 8 a khung a, Lallawmzualin goal 4 khungin J.Lalparmawii leh Lalmuanpuii Khiangte ten goal khat ve ve an khung bawk. Lalhmachhuani Memorial FC tan Zohmangaihi chuan goal khat a khung a ni. Lalsangpuii Sailo (SYS A) chu player of the match atan thlan a ni.

Vawiin inkhel pahnihnaah Kulikawn FC chuan si thum faiin Friends Club, Kolasib an hneh a, Lalrinmuanin goal hnih khungin Lalthantluangin goal khat a thawh bawk. Lalrinmuani (Kulikawn FC) chu player of the match a thlan a ni. 

Vawiin inkhel hnuhnung ber, Mizoram tana khel tawh thahnem tak leh Indian Women's League (IWL) star te telna 1215s leh Mizo Football News te inkhel chu 1-1 in a tawp a. 1215s tan Lalbiakdikin minute 19 naah goal hmahruai a khung a, Mizo Football News tan Remsangpuiin minute 23 naah an si phurh a sut zui a ni. 

Kumin MFA Women's League ah hian Club 6 an inel a, SYS 'A', Lalhmachhuani Memorial FC, Friends Club, Kolasib, 1215's, Kulikawn FC leh Mizo Football News ten Lawmman an inchuh mek a ni.

He league ah hian champion team in cheng singnga an dawng anga, pahnihnain sing hnih dawngin inkhel apiangin match money an dawng ziah dawn bawk.

Results:

SYS - A 14 - 1 LALHMACHHUANI MEMORIAL FC

(Lalsangpuii Sailo 4',8',32',33',50',58',66',71', Lallawmzuali 6',35',69',70', J.Lalparmawii 41', Lalmuanpuii Khiangte 45')

(Zohmangaihi 18')

KULIKAWN FC 3-0 FRIENDS FC KOLASIB

(Lalrinmuani 4',41', Lalthantluang 6')

1215'S, ITI VENG  1-1 MIZO FOOTBALL NEWS, LAIPUITLANG

(1215: Lalbiakdiki 19') (Remsangpuii 23')