Electric Vehicle Roadshow buatsaih

Aizawl | April 12, 2024: State Designated Agency for Energy Conservation, Electrical Inspectorate, P&E Department te buatsaihin vawiin atanga naktuk thleng awh tur hian Electric Vehicle te Mizoram a tih larna turin Electric Vehicle Roadshow, Millennium Centre tualzawlah buatsaih a ni. He hun hi Er. Thanglura Sailo, Joint Secretary to the Govt. of Mizoram, P&E Department leh Er. R.L. Muanpuii, Chief Electrical Inspector, P&E Department te chuan an hman pui.

He roadshow-ah hian Mizoram a Electric Vehicle zuar te atangin Two Wheeler bikah Ather (MST Motor) leh TVS ten an electric scooter te pho chhuak in, CK Hyundai ten an Electric Motor (Four Wheeler) kawl lai vantlang hmuh thei tura tarlang in a duh tana khalh chhin (test ride) theih turin an chhawpchhuak bawk.

India Sorkar hmalakna in ram pumah electric motor siam chhuah kawngah nasa taka hma lak niin heng electric motor te hian petrol leh diesel an hman ve loh avangin oil renchem na remchang tak anih bakah enkawl a hautsak loh avangin an tangkai hle a ni.