Aizawl | April 12, 2024: Vawiin ni 12 April, 2024 (Zirtawpni) chawhnu dar 4:30 khan MZP General Headquarters chuan Executive Emergency Meeting a ko a. MPSC Chairman bang tura MZP ngennain awmzia a neih loh avangin hmalak zel dan tur a rel a. MPSC pisa kai tur an dang dawn.
MZP chuan ni 27 March, 2024 khan MPSC hnuaia Combine Competitive Examination lak hnuhnung berah, answer paper leh mark tabulation-ah mark thenkhat thaichhiat leh correction fluid nasa taka hman a nih avangin thuchhuah a lo siam tawh a.
Ni 3 April, 2024 a MZP Executive Meeting thukhawm chuan, heng buaina zawng zawng avangin MPSC Chairman Pu JC Ramthanga IAS (Retd.) chu mawh laa bang turin a lo ngen tawh a. Ni 10 April, 2024 (Nilaini) a MZP Press Conference chuan ni ni 12 April, 2024 ral hmaa bang turin a ngen nawn a.
Vawiin ni 12 April, 2024 (Zirtawpni) tlai dar 5 thlenga a la ban loh avangin, kar leh ni 15 April, 2024 (Thawhtanni) atangin MPSC Chairman pisa bakah MPSC a thawkte pisa kai tur dan nise tiin Emergency Meeting-in a rel a ni.
MZP chuan Combine Competitive Examination bakah, Food & Civil Supply Department hnuaia thawk tur Inspector of Supply MPSC-in a lak mekah, MPS a tling tawh pakhat chu Interview turin a ko tel mauh mai hi mak a ti hle a.
Heng bakah pawh, Jr. Grade of Mizoram Forest Service (Asst. Conservator of Forest) post 3 lak turah, Examination neih vek tawh a ni a. Chutih laiin ni 10 April, 2024 a MPSC thuchhuah chuan an qualification Department-in a pawm loh chhuanlamin Answer paper an endik dawn loh thu a tarlang leh si a. Thalai hna zawng mek tam takte inbuatsaihna a thlawn hi MZP chuan pawi a ti takzet a ni.
MZP chuan Mizoram mipuite thlawpna a ngen takzet a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: