MZP-in MPSC pisa kai tur dang dawn

Aizawl | April 14, 2024: MZP chuan an lo sawi tawh angin Naktûk zing dar 9 aṭangin, MPSC Pisa kai tur an dang tan dawn.

MZP-chuan, Combined Competitive Examination 2023 Result chhuak taah khan Mains Exam Paper-ah Corecting fluid bakah, Marks Tabulation-ah pawh mark thai chhiat leh, correcting fluid hmanna hnuhma a awm nual tih an hria a. Hei vang hian MZP chuan MPSC Chairman chu bang turin a lo ngen tawh a a ni.

MZP-in thil fel lo nia an hriat, thaichhiat leh CF hman a nihna chu.

MZP ngen anga a ban mai tak loh avângin, naktuk atangin MPSC thawktute Pisa kai tur chu an dang ṭan dawn ta a ni.

MZP chuan, "MPSC hnalak kalphungah chuan, tihsual a awm a nih pawhin, thaichhiatna hnuhma chu hmuh theih a ni tur a ni a, a chhan pawh tarlan ṭhin a ni. Tun ṭumah erawh chuan correction fluid nasa taka hman a ni hi MZP chuan a hrethiam thei lo a. MPSC hnalakah thalai hna zawng mekten rinna an nghah zel theih nan Chairman chu bang se MZP chuan a duh a ni." tiin an tarlang.

• Kum 2022 vela Mark Tabulation an tihsualna chu hetiang hian an kalpui thin a... An thaichhiat chu hmuh theih a ni a.. A chhan an ziak mai. Correcting fluid an hmang lo.