Lawngtlai-ah AIFF 'D' Certificate Coaching Course zo fel

Mizoram Football Association leh All India Football Federation tangkawpin a buatsaih, AIFF 'D' Certificate Coaching Course chu April 9, 2024 (Thawhlehni) atanga YLA Lawngtlai Vengpui Ground-ah neih chu vawiin April 13, 2024 (Inrini) hian Course kharna hun a ni 

Course Instructor hi Danny Lalduhawma (AFC 'A') niin, Co-Coach Educator ah Samson Ramengmawia (AFC 'B') a ni, Coordinator ah Lailianchhunga Chinzah (AFC 'C') a ni.

AIFF 'D' Certificate Coaching Course-ah hian Mizoram hmun hrang hrang atangin mi 27 an tel thei. Coaching Course kharna hun hi MFA EM & Lawngtlai DFA te'n an hman pui a, Coaching Course kal te, hlawhtlinna chang theuh turin duhsakna an hlan a, AIFF 'D' hi bul tanna tur chauh anih avangin, duh tawk mai lo va, a aia sang zawk thlen zel tum turin fuihna hun an hmang.

Mizoram Football Association chuan AIFF nen tangkawpin, AIFF 'D' Licence Coaching Course bakah, AFC 'C' Diploma Course a tam thei ang ber buatsaih tumin hmachhawn a nei mek