Aizawl | April 18, 2024: Mizo Students Union (MSU) General Headquarters, Aizawl President Samuel Zoramthanpuia chuan, vawiin chhun dar 12 khan thutharthehdarhtute kawmin, Mizoram State Commission for Women Chairperson atana C Lalchhandami ruatna chu sut turin sawrkar an ngen.
MSU President chuan, Mizoram State Commission for Women Chairperson atan ruat hi a pension kum aṭanga chhutin kumin hi a kum 68-na tur a ni a, hei bakah kum 2021 AMC inthlan pamphlet-a a kum tar lan aṭang pawhin kum 66 a ni ta hrim hrim a. Heti chunga March ni 8, 2024-a ruat a nih chungchangah hian MSU chuan hriat thiam har a ti hle a, sawrkar-in dan ding lai kalha a ruat hi MSU chuan induhsakna vang liau liauah a ngai a, dikna tun din nan he notification hi a rang thei ang bera sut leh turin a ngen nghal bawk a ni." a ti.
No.B.101/MSU-GHQ/2022–2024/55 Dated Aizawl, the 18th April 2024
PRESS COMMUNIQUE
Mizo Students’ Union (MSU): General Headquarters, Aizawl chuan Mizoram State Commission for Women Chairperson appoint chungchangah March ni 8, 2024-a Social Welfare, Tribal Affairs, Women & Child Development Department-in appointment notification-a Chairperson atana ruat Pi C. Lalchhandami chu danin kum bithliah a siam anga tlin tawh lo a nih avangin MSU chuan he appointment notification hi a rang thei ang bera sut leh thuai turin sawrkar a ngen a ni.
MSU chuan Mizoram State Commission for Women chu kan hmeichhiate himna leh hmasawnna atana thawktu tur a nih avang leh hnam anga kan din chhuah theihna tur kawngah hmeichhiate an pawimawhzia hre rengin beiseina sang tak nen he commission hi a thlir reng ṭhin a. Chairperson ruat a nih rualin hma lakpui theihna tur kawng MSU chuan a dap vat a. Chutah chuan Planning & Programme Implementation Department RTI chhanna April ni 15, 2024 aṭanga a lan danin Chairperson-a appoint tak Pi C. Lalchhandami, Councillor, AMC Ward III chu kum 2016 March ni 31-a supernuation-a pension tawh tih leh he notification No. B-12011/11/2013-SWD Dated Aizawl the 8th March, 2024-a inziak angin ruat a nih aṭanga kum 3 chhung emaw kum 65 tlin hma, khawi emaw zawk zawk chhung office hna a chelh thei ang tih chu bawh chhiat a ni tih hriat a ni a.
Mizoram State Commission for Women Chairperson atan ruat hi a pension kum aṭanga chhutin kumin hi a kum 68-na tur a ni a, hei bakah kum 2021 AMC inthlan pamphlet-a a kum tar lan aṭang pawhin kum 66 a ni ta hrim hrim a. Heti chunga March ni 8, 2024-a ruat a nih chungchangah hian MSU chuan hriat thiam har a ti hle a, sawrkar-in dan ding lai kalha a ruat hi MSU chuan induhsakna vang liau liauah a ngai a, dikna tun din nan he notification hi a rang thei ang bera sut leh turin a ngen nghal bawk a ni.
MSU chuan thu dik din chhuahna kawngah a ṭul ang zelin sawrkar a thlawp zel dawn a, Mizoram State Commission for Women Chairperson ruat chungchangah pawh dan ang ngei a nih theihna turin a tawp thlenga MSU hma lakna thlawp turin Mizo mipuite leh zirlaite a sawm bawk a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: