Aizawl | April 18, 2024: Tun thla leh, thla leh thla tir lamah hian, Mizo film tlangzarh runpui a thleng chho dawn!
Tun kartawp ah hian mizo horror/thriller movie ‘Tualsumsu’, Zote Entertainment buatsaih chu release a ni dawn a, he film hi continuous-shot (cut awmlo), a tam zawk hi Action Camera hmanga shoot a ni. He movie hi a dangdai hle a, a film siamtute pawn ‘movie’ ti lovin ‘Reality show’ tih ngat in an sawi.
‘Nutei Thingpui Dawr’ Film channa hmun hrang ti a, an sawi lar leh Social Media-a sawi nasat em em chu Tualchai Youtube (Ghost hunting Channel) te chuan lo hria in Hunting nei turin an in buatsaih a. Amaherawh chu thil nihna phakbak, phuahchawp leh siambelh ching niin Viewers ngah nan chuan engpawh tih pawisa lo an ni. Mahse Nutei Thingpui dawr channa hmun an thlen chuan an tumdan leh ruahman na ang chu an ti leh thei dawn em? He an zan khat hun hman hian engtiang chiahin nge an nun a nghawng dawn?
I hriat duh chuan ‘Tualsumsu’ movie en ngei a ngai ang le.
Lersia ah hian tunkar tawp aṭanga May thla thleng hian movie hmuhnawm tak tak, Producer/Director experience nei ṭha tak tak te siam chu chhuah a ni dawn a. Chung te chu TUALSUMSU (release date: 19 April) , DAKPU (release date: 26 April), KEIMAH THINGTLANG NULA (release date: 3 May), ZU ZUAR FANU (release date: 9 May), KAN CHHUNGKUA (release date: 11 May) leh 1999(BISP) (release date: 17 May) te an ni.
Lersia Play App hi March 2021 a launch ni in, Mizo Film industry a lo changtlung zawk nan theihtawp in hma a la a, tun thleng hian 7Cr vel revenue a generate tawh. Lersia Play hi movie App chauh ni lovin, Movie siamna turin filmmaker te hnenah funding an pe ṭhin a, hetiang a pekchhuah hi 80 Lakhs a tling tawh a ni.
Mizo mipuite hlimna thlentu ni mahse, Lersia Play hian piracy vangin hasatna hrang hrang a tawk a, pirated movie lo thehdarhtute hi chhuichhuah thuai a hrem an nih theihnan theihtawpin hma a la a. Tunlai Mizoram Lawyer zinga ṭha ber pawl, Mizo zinga Supreme Court advocate on Record awmchhun Pu J.C. Lalnunsanga nen thawk hoin, Lersia Play movie lo record/copy a thehdarh tute chu na taka hrem an nih theihna’n hma an la zel a ni.
Lersia Play App ah hian screen record theihtawp a block a ni a, chutihlaiin block theihloh a lo awm palh tak hlauhin ti in, movie play lai hian a entu te ID screen ah a lang ang a, a record tute rang tak a man chhuah an ni ṭhin ang, tiin Lersia chuan an tarlang.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: