Mizo BJJ Black belt Samuel Lalrozama

Aizawl | April 11, 2024: India rama BJJ Black belt awm tawh zinga a palina ni turin Samuel Lalrozama chu BJJ second degree black belt Bryan Daly chuan April ni 10, 2024 khan Black belt (white bar) a rawn hlan.

BJJ hi khawvel martial arts awm zinga black belt thlen har berte zing ami, kum 10 vel tal ngai ṭhin, leh self defense leh MMA (Mixed Martial Arts) tana base tha berte zing ami nia sawi a ni.

Colour belt (blue to brown) pawh India ramah 50 an la tling lo. Tin, a hlutna leh chu chhungkaw tha inchhui ang deuhin tu hnen atanga grading hi dawn nge (lineage) tih inchhui thin a ni a, grading petu world body lian ber IBJJF-a inziah luh a ni em tih an en thin bawk.

Samuela hi IBJJF certified a nih bakah BJJ hmuchhuaktu chhungkaw zirtirte- Grandmaster pahnih (Joe Moreira leh Luiz Palhares) hriatpuia belt hi hlan a ni.

Samuela hi Muaythai lamah pawh thleng sang leh sulhnu nei tha tak a ni a, a pahnih hi a in ti buai lova soft leh hard style ang deuh niin striking leh grappling inchawhpawlh hlu tak a chhuak thei zawk a, mahse sport anga khela thlen sanduh bbc huan zir pawlh loh a tha a, MMA zir tan erawh zir kawp ngei a tha, a ti a; khawvela Mma Gym thahovah chuan bjj leh muaythai class hi a awm zel tawh a ni.

Samuela chuan a BJJ zinkawng hi kum 15 a nih tawh thu saqiin hei hi mimal emaw Ju-Jujitsu Association of Mizoram (JAM) emaw hlawhtlinna bik a ni lo va, hnam dang ram pawn amite exam leh zirtirna atangin sum a rawn lut thin ang a, Mizoram economy pawh a nghawng ngei dawn a ni, lian lutuk lo mah se, sum lutte chu ram pawna training nan leh pawl tana hman zel tur a ni ang, a ti.

JAM President Rothuamliana chuan Mizote leh Mizoram tan mellung pawimawh tak a nih thu sawiin Asian Games-ah BJJ a tel tawh angin chutah chuan medal la ngei tura tan lak an tum thu leh self defense lamah pawh nasa zawka hmalak an tum thu a sawi. Samuela hian heng jiujiteiro thenkhat hnenah hian belt sang zawk a hlan ve bawk

PURPLE BELT (INSTRUCTOR)

Lalchhuanmawia

Rohit Halder

K. Lalramchhana

BLUE BELT

MS Dawngtluanga

PC Lalrinmawia

Lalhmangaihzuala

K. Zomuankima

WHITE BELT STRIPES

Lalawmpuia

Christopher Lalduhawma