APRIL 5, 2024:
Tunkar Thawhlehni khan Calcutta High Court chuan nikum 2023 kum tawp lama MNF Sorkar-in Ballygunge Calcutta (tunah Kolkata) hnawhsarum taka a hralh fel tawh, ZPM Sorkar thar Pu Lalduhoma kaihhruaiin Mizoram Sorkar-in hralhna thu a SUTNA chu a rawn sut thut (abruptly cancelled) tih The Times of India chuan vawiin Zirtawpni tlai dar 5:01 pm khan a ziak.
He ram zau zawng hi 26-cottah niin Ballygunge Veng a awm a ni a, ZPM in thu neihna an rawn chan khan he ram hralhnaah hian thil fel lo awm nia ngaiin, mimal company hnena MNF in a hralh tawh chu "mipui tam zawk duh danin" (larger public interest) sut a ni a, he hmunah hian in chhawng li ( G+3 building) sak tum a ni a, hetah hian dam lohna thil vanga Kolkata pantute thlenna tura ruahman a ni tih Times of India chuan a sawi.
Calcutta High Court (Kolkata tiha hming thlak ni tawh mah se HC hming hi thlak a ni lo) chuan Mizoram Sorkar thar thu chhuah chu rawn sutin: “State Sorkar nih phung hi a nghet tlat a. Sorkar inthlak danglam avang leh politics thil vanga nawrna a awm avangin thu tlukna siam tawh hi thlak danglam tur a ni lo". (The state or a govt is an entity in perpetuity. It is not subjected to the vicissitudes of political or populist motivations, which sways with every wind of popular opinion.”) tiin a rel.
He thu tlukna hi Justice Sabyasachi Bhattacharyya chuan a ti chhuak a, chu a thu chhuahah chuan: “Article 12, Constitution-in a sawi angin state Sorkar chuan lang tlang tak leh dik takin mi dang (individual vendor) aiin thu tlukna dik a siam tur a. Chutiang a nih avang chuan, Sorkar tharin mi tute emaw politics taka nawrna a vangin thu tlukna lo siam tawh chu an sut tur a ni lo tih te, Sorkar hian hralh tumna pawh a chhuah tawh a, hei hi inthlan hma lama thil thleng a ni," tih thu Justice Bhattacharyya chuan a sawi.
“Tuna he thu rawn thlentu, dikna chanvo mimal thila inremna satliah a ni lo a, Sorkar-in mipui hriat theih turin tender hmangin a puang zar a, chumi titu chu Mizoram state Sorkar a ni.” a ti.
Mizoram Sorkar chuan helai ram hi Excel Vincom Pvt Ltd hnenah a hlan fel tawh a. Mizoram Sorkar tharin he hmun hralh tawh thu a sut avangin hian a chunga sawi tak Excel Vincom Pvt Ltd hian Calcutta HC ah Mizoram Sorkar chu a khing ta a, Mizoram Sorkar thil tih dan chu, "dan kalh a nih thu leh politics hmanga hlawk tumna a nih avangin Article 14na a bawh chhia a ni," tih chu an țanna a ni.
“Thu neihna inthlak avangin Sorkar hian a hmaa sorkar thu a lo tiam tawh hi a sut danglam tur a ni lo, " tih chu a khingtu lam țanna a ni.
Mizoram Sorkar chuan hei hi hetiang hian a hnial a:" Mizoram hi state te leh India hmar chhak kil khawr taka awm a ni, natna hrang hrang enkawl theihna damdawi in (multispecialty hospital) emaw dam lo leh natna khirh enkawl theihna awm lo a ni a, Mizoram house pahnih — the Salt Lake Mizoram House leh New Town Mizoram House —ah te hian mikhual an bukin an tawt thei hle a, Ballygunge hmunah hian in chhawng 4(G+3 building) sak tumin ruahmanna leh phalna pawh KMC hian a pe tawh a, chukhirh chu kum 5 thleng a nung a ni. Chumiah chuan dam lo zualte thlenna turin ruahman a ni. "
Mizoram Sorkar chuan he lai ram hralh hi Kolkata Mizo Students leh Calcutta Mizo Welfare Association pawhin an duh lo a an didal a ni tih chu an țan chhan a ni. Hetiang a ni chung hian Calcutta HC chuan: “ e-tender hmanga hralhna tih fel diam tawh thothul taka sut leh hi thil kal phung a ni lo," a ti.
HEI VE THUNG HI
He thu buai hnial tur hian Mizoram Sorkar hi a inbuatsaih țha tawk lo a ni ang em?
He thu tlukna hi khin let tumna a awm ang em?
Source :
The Times of India
APRIL 5, 2024
======05042024
Huna Kawlvawm
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: