Aizawl | April 4, 2024: Vawiin 5, April 2024 (Zirtawpni) khan Zo Re-Unification Organisation (ZORO) chuan ZORO Pisapui Treasury Square-ah Executive committee meeting an nei a, meeting hi Pu R. Sangkawia President in a kaihruaia, meeting-ah hian India Sorkar in India leh Burma border hung (fencing) a tum chungchang leh Free Movement Regime (FMR) thiah a tum chungchang sawiho a ni.
Meeting chuan India Sorkar in India leh Burma border hung (fencing) a tum leh Free Movement Regime (FMR) thiah a tum chu unau thlahkhat min then hran a tumna leh Zofate min nekchep a tumna niah kan ngai a, tha lo a tiin, a duh lo hle a. India leh Burma ramri hung (fencing) tum a duh loh zia lan tir nan leh Free Movement Regime thiah tum a duh loh zia lantir nan Burma border-ah ni 16, May 2024 hian peaceful rally neih tum a ni. ZORO in peaceful rally a neih turah hian Mizoram mipui leh Burma ram chhunga Zofate a tam thei ang ber tel turin a sawm nghal a ni.
ZORO chuan ni 2, April 2024 a Gaza Air Strike a nunna chan ta Lalzawmi Frankcon D/o Paul Frankcom chu a ui hle a, a kalsan tak a chhungte thinlung takin a tawrh pui takzet a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: