Aizawl FC I League Champion Champha vawi 7-naah Mipui chibai buk

Vawiin ni 30.4.2024 hi NE India atanga I-League champion hmasaber leh tun thlenga la awmchhun Aizawl FC ten I-League Champion Nomawi an chawi ni kha a ni a. Kum 2017 April ni 30 zana Shillong khawpuia Aizawl FC in Nomawi an chawi khan India leh khawvel a barakhaih nasa hle a nih kha!He hun champha alo thlen hian Club President Pu Robert Romawia Royte chuan Aizawl FC fans te leh Mizo mipuite chibai bukin a tharin Aizawl FC an tan tlat thin avangin lawmthu a sawi a ni.

Aizawl FC khan I-League a champion annih avangin India aiawhin Asia League hial season khat chhung chu an khel a,NE India atanga Asia League khel awmchhun an la ni reng a ni.

Tunah hian Aizawl FC hi tlakhniam nei lova I-League a club senior ber a ni mek a,kuminah hian Manipur Club 2 chu an tlahniam(relegated) dawn hmel a.Aizawla Aizawl FC home match an rawn khelh loh avangin AIFF in AFC points hmuhzat tur ala tifel lova,AIFF Regulation dinglai ang chuan heng match 2 ah hian Aizawl FC hi points 3 ve ve hmu tura ngaih a ni.Chutiang anih chuan tun season ah hian points 31 hmuin League Table ah 8 ni ang.

Aizawl FC Striker Lalrinzuala chuan I-League a Indian Footballer record thar siamin Goal 15 a khung a. Mohammed Rafi leh Sunil Chhetri ten goal 14 ve ve khunga Record rei tak an hum chu a rawn chhuhsak ta a,AFC home match vawi 2 hi NEROCA leh TRAU tenen hian khel phei se chuan ama record break in India rama record rei em em tur a siam theih rin a ni.

Aizawl FC hian Academy changtlung zawk dinthar tumin hma an la mek a ni.