PATHIAN RUAHMANNA NGE NANGMA RUAHMANNA?

_Rinna huaisen

-  Rick Warren 

-  April 30, 2024

“Tu pawh a nun humhim duh apiangin a chan ang a; tu pawh keimah avang leh Chanchin Tha avanga a nun chan apiangin a humhim ang.” (Marka 8:35)

Pathian duhdanin nge nangma duhdan zawkin i kal thin le?

Zing a tho va, hnaa kal a, ina hawn a, TV en a, zana mut leh sum dehchhuah a, kum upat huna chawlh leh thih hi min siamchhanah i ngai maithei e. A ni em? Heng zawng zawng hi Pathianin a dahna chhan che ah i ngai em?

  I ruahmanna chu Pathian atanga chhuak a nih chuan, he khawvela a thiltum leh a kohhran hote nen inzawmna in nei ang. Engvangin nge i tana ruahmanna chauh khawvela a thiltih duhte nena inzawmna awmlo chu Pathianin a pek che i rin? A duhthusam puitlin turin a hmang duh che a. A ruahmannaah hman tangkai che a duh a ni.

Pathianin chhungkua a siam a, ram, hnam, tawng leh mi hrang hrang a khawm a ni. Chung zawng zawng chu chhungkuaah an tel vek hunah chuan. Hunbi a kim tawh ang. Hun hnihna,  chatuan hunah kan lut tawh ang. Chu chu Pathian thil ruahman lian tak a ni.

Isua a thawhleh hnu vana lawn hma khan, a zirtirte hnenah duhthusam ropui tak a hrilh a. Tirhchhuah Ropui an tih hi a ni: “Chutichuan, kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptis ula, thu ka pek zawng zawng che u pawm turin zirtir rawh u. Tin, ngai the u, kei kumkhuain, khawvel tawp thleng pawhin, in hnenah ka awm zel ang” (Matthaia 28:19-20).

Tirhchhuah Ropui chu i tan pawh a ni ve a. Pathianin kum 2000 chhungin chhungkua a din tawh a, tunah chuan 2.5 billion an awm tawh a ni. Kohhran chu China leh Indiaa awm zawng zawng belhkhawm tluk zet a ni ta. Thil dang zawng zawng aiin he leilungah hian a lian tawh a - Pathian siam a nih vang a ni. Awmze nei veka din a ni.

I nunah Pathianin ruahmanna a pek che chuan, a ruahmanna liantak nen chuan inzawmna a nei em em ang.  Hunbi a kim hma leh vanram kan kai hma chuan, a ram zauna tur nen a inzawm zel ang.

Marka 8:35 ah chuan, “Tu pawh a nun humhim duh apiangin a chan ang a; tu pawh keimah avang leh Chanchin Tha avanga a nun chan apiangin a humhim ang.”

He leiah hian nangma tana nung tura dah i ni lo va. A ruahmanna lian ber, tha ber leh chanchin pawimawh ber ah i tel ve theihna turin leh a duhthusamte chu a pek ve theihna tur chein Pathian dil thin ang che.

Ngaihtuah zui atan

* I nun atana ruahmanna eng te nge ? I ruahmanna chuan he leiah Pathian ram a than theihna turin eng nge a thawh ve?

*  Engvangin thiltum neih chu a pawimawh? 

* He khawvelah Pathianin a thil tum ti hlawhtling turin a thawk a ni tih i hirat hian eng nge i hmuh?

*Krista Isuaa Pathian chhandamna thutiam chu i ring thei ang em?*

 

Isua hnenah i nun i hlan duh a nih chuan he ṭawngṭaina hi hlan ang che:

 

“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.

 

“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamtu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”

 

Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zin kawng atana thuziak pawimawh tak tak lo thawn che ka duh e

*[Lettu: Sangpuia]*