ZORO-in CM Relief Fund-ah cheng sing khat hlan

Aizawl | March 27, 2024: Vawiin 27, March 2024 (Nilaini) khan Zo Re-Unification Organisation (ZORO) chuan Pu Lalduhoma Chief Minister chu a Pisa-ah an hmu a, ZORO hmalakna hrang hrang sawipui a niin, Chief Minister hmu hian ZORO hruaitu thahnem tak an kal a ni.

Zo Re-unification Organisation (ZORO) chuan hnam lian zawkin tharum chakna hmanga Zofa a then darhte insuihkhawm leha rorelna pakhata awm leh a nih theih nan United Nations Organisation(UNO) be pawpin UN Session hrang hrangah Zofate dinhmun sawiin Zofate insuihkhawm leha rorelna pakhat hnuaia kan awm theih nana hma min lakpui turin a thlen thin a ni.

Kan phak ang tawk leh kan theihtawpin ZORO chuan khawvel hmun hrang hranga Zofate rorelna pakhat hnuaia kan awm theih nan leh kan insuihkhawm theih nan hma kan la ve thin a, kan phak tawk leh theih tawk a tam lo thin hle a ni. Mizoram State hi Zofate tan chuan kan Jerusalem a ni a, Mizoram Chief Min- ister chu Zofa zawng zawngte tan Chief Minister a ni. Zofate rorelna pakhat hnuaia kan awm theih nan leh kan insuihkhawm theih nana hma min lakpui turin Pu Lalduhoma Chief Minister hnenah thlen a ni a, Chief Miniter chuan theihtawp a lo chhuah tur thu leh thawhho a ngaihthu a lo sawi a ni.

Zo Re-Unification Organisation (ZORO) chuan Chief Minister Relief Fund atan Rs. 10,000 Chief Minister kutah a hlan nghal bawk a ni.