MPSC-in combined competition exam a buatsaih danah thil fel tawk lo a awm! - MZP

Aizawl | March 27, 2024: Mizo Zirlai Pawl (MZP) General Headquarters, Aizawl  chuan thuchhuah siamin, Mizoram Public Service Commission (MPSC)-in February ni 1, 2024-a result a tihchhuah tak Combined Competitive Examinations kalpui danah thil fel tawk lo leh chhui chian ngai thil a awm ngeiin a hria a. Mizoram-a hna sang leh zahawm tak tak latu MPSC chhûngah hetiang thil hriat tur a awm hi MZP chuan pawi a ti takzet a ni, an ti.

Mizorama hna sang leh zahawm tak takte lak hna, MPSC-in tun thlenga rintlak taka hei leh chen a kalpui hi lawmawm a ti hle a. Thalai hna zawng mekte pawhin an ringtawk hle thin a ni. Chutih laiin Combined Competitive Examinations kalpui hnuhnung berah thil dik tawkloa hmalakna awm ngeiin MZP chuan a hria a, a ngai thutak hle a. MZP chuan ngunthluk zawka zirchiana, MPSC hi thalai hna zawng mekten an rin ngam zel theihna turin a tawp thlengin hma a la zel dawn a ni. 

MZP chuan tun hnaiah, NIT Mizoram Asst. Registrar leh AMC hnuaia hna lakah hrang hrangah a buaipui tuten an laina hnai duhsak zawngte thun an tum avangin hma a la a. MPSC-ah hetiang a lo awm veleh hi pawi a tih takzet thu thuchhuah siamin an tarlang.

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ