Aizawl | March 27, 2024: Mizoram Police chuan thuchhuah siamin, Phone bo thuhlaa chhui theihna Central Equipment Identity Registry (CEIR) hi hmang tangkai turin mipuite an chah a. Dan anga pun theih turin Police te pawh an awm reng a ni tih an hriattir a ni.
Tunlaia mobile phone ruk leh TV hralh chhawn hluar zel tur venna atan te, mipuite himna tur leh Dan Kengkawhtu te tana awlsam zawkna turin Department of Telecommunucation, Govt of India chuan IMEI data hmanga phone chhuina Central Equipment Identity Registry (CEIR) dinin, Mizoramah pawh hman theih tura ruahman a lo ni ta a. CEIR hi network operator hrang hrang te data khaikhawmtu niin, network pakhatin a blacklist tawh chuan network dang sim card vuah mahse, IMEI hmangin hman theih lo va siam (block) leh chhui (track) theihna a ni.
Misualin kan phone an lo ru emaw, kan lo ti bo emaw a nih chuan block turin ceir.gov.in ah kan request thei a, Police station-ah pawh CEIR hmanga block turin kan report thei bawk a ni. Hemi hnu hian heng phone bo hi hman tum an awm nih chuan, CEIR hmang hian Police ten a phone awmna nen an chhui chhuak thei (location Tracking) a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: