Aizawl | March 30, 2024: Mizo zaithiam lar, Vanhlupuii (77) D/o Pu Vankhama (L) chu tukin dar 2:00 khan a boral.
AIR Top Grade Artist Vanhlupuii hi vawiin chawhnu dar 1:00 hian Dawrpui Multipurpose Hall, Pipu Tlangah vui a ni ang.
Pi Vanhlupuii, Mizo zinga All India Radio Top Grade Artist awmchhun chu tukin dar 2 (March 30, 2024) inrinni khan kum 77 mi niin a thi.
Pi Vanhlupuii hi Northeast-a AIR Top Grade Artist pathum (3) awm zinga mi a ni a, an zinga pakhat hi kum 2011 khan a boral tawh a ni.
Pi Vanhlupuii hi kum 1946 July ni 2 khan Hla phuah thiam Pu Vankhama leh Pi Laldengi te inkarah Dawrpui, Aizawlah a lo piang a. Kum 1973 March ni 14 ah Lalṭhuama nen inneiin fapa 1 leh fanu 2 an nei a. Dawrpui Veng, Aizawl, Pu Vankhama builiding-ah an cheng a ni.
Vanhlupuii hi kum 1950 vel aṭangin a zai ṭan a. Zaithiam avanga ram hrang hrang fang kual tawh, zai intihsiakah pawh lawmman pakhatna vawi tam lo la tawh a ni. Kum 1957 aṭangin Radio-ah hla a record ṭan a, kum 1969 ah Grade ‘A’ ah a kai chho a. Mizo zaithiam kan neih zingah All India Radio (AIR) Top Grade Artiste kan neih chhun a ni zui a. A khawvel zinkawng a zawh tawp thlengin Mizo zinga Top Grade Artiste kan neihchhun a ni ta a ni.
- AIR
CM hlui Zoramthanga'n a sunna:
Pi Vanhlupuii (Kum 77), Mizo zinga All India Radio Top Grade Artist kan neihchhun chuan nizan dar 2:00 AM (March 30, 2024) khan chatuan ram min pansan ta!
Pi Vanhlupuii hi kum 1946 July ni 2 khan Hla phuah thiam Pu Vankhama leh Pi Laldengi te inkarah Dawrpui, Aizawlah a lo piang a. Kum 1973 March ni 14 ah S. Lalthlamuana nen inneiin fapa 1 leh fanu 2 an nei a. Dawrpui Veng, Aizawl, Pu Vankhama builiding-ah an cheng a ni.
Vanhlupuii hi kum 1950 vel aṭangin a zai ṭan a. Zaithiam avanga ram hrang hrang fang kual tawh, zai intihsiakah pawh lawmman pakhatna vawi tam lo la tawh a ni. Kum 1957 aṭangin Radio-ah hla a record ṭan a, kum 1969 ah Grade ‘A’ ah a kai chho a. Mizo zaithiam kan neih zingah All India Radio (AIR) Top Grade Artiste kan neih chhun a ni zui a. A khawvel zinkawng a zawh tawp thlengin Mizo zinga Top Grade Artiste kan neihchhun a ni ta a ni.
Rimawi khawvela thangchhuah thei mi ropui bik, rimawi hmanga Zofate min awitu leh min tihmingṭhatu kan chan ta mai hi pawi ka tiin uiawm ka ti tak zet a. Pi Vanhlupuii hian October Ni 7, 2021 khan MNF Party a rawn zawm nghe nghe a ni. A thihna hi Mizoram leh Zofate tan channa nasa tak a ni a; rimawi khawvela sulhnu ropui tak tak min hnutchhiahte hi kan hre reng tawh ang.
Pathianin a kalsan tak a chhungkuate leh amah uitu zawng zawng thlamuanin awmpui rawh se.
MDM in an sunna:
SUNNA
VANHLUPUII
(1947 - 2024)
AIR Top Graded Artist
Mizo Rimawi Arsi lian chu sang takah êng reng se ti a duh thu kan sam thinna chu, vawiin March ni 30, 2024 zing dar 2:00am hian a ên hun a lo tawp ta. Mihring ngaih a hunlo kan la tih em em laia van kohna min chhan sak ta mai hi hriatthiam har kan ti a, Mizo Rimawi kulhpui fam chan ni hian, Zofate kan ngui ruai e.
Mizoram Rimawiin hma a sawn theihna tura Blanket License System hmanga MDM Library din anih khan, a tha leh zung ngaihtuahna zawng zawng seng in MDM Board of Controller's mi panga zingah telin, ngaihtuahna sengtu leh endiktu a ni a; a thihni thleng hian kan Adviser a ni. Kum 2016 August ni 26 zan khan MDM chuan Circle of Music Meet vawi 4na kan hmanna ah Lifetime Achievement Award kan lo hlan tawh nghe nghe a, he Award hi MDM chuan mi pali hnenah chauh a la pe chhuak a ni. Mizo Rimawi tana mel lung chhinchhiah tlak phun tu, tun hun thlenga thang leh thar zai mek leh rawn la zai turte tana malsawmna thlentu niin, entawn tur leh zir tur tam tak min hnutchhiah te bakah a sulhnu ropui hi engtik ah mah MDM chuan kan theihnghilh leh a rinawm tawh loh a, a hmun ruak zau tak tur hi ngaihtuah phei chuan thui tak ngaihtuah thiam pawh har kan ti a ni.
Zofate a zai hmanga min awi tlai thintu Mizo Rimawi Arsi lian hi herliam mahse, kan thinlung ah a aw mawi tak chuan hmun a chang reng tawh ang. I herliam ni hian zahna chibai kan buk che a, thlamuang takin chawl ang che.
Issued by : Music Domain Mizoram (MDM) General Headquarters, Aizawl.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: