Aizawl | March 27, 2024: Mizoram Snooker & BIlliards (MSBA) buatsaih Mizoram State Pool 9 & 10 Ball Championship 2024 chu a hmawr bawk a hnai ta a, zanin khan khelh chhunzawm niin, Pool 10 ball Semi final khelh a ni a. Mizoram State Pool 9 & 10 Ball Championship 2024 final khel tur a chiang ta!
T Laltlansanga, Lunglei chu Pool 9 Ball leh 10 Ball-ah final a lut ve ve a. Mizoram State Pool 9 & 10 Ball Championship 2024 final hi Maqrch 30 hian khelh a ni dawn a. Pool 10 Ball-ah T Laltanpuia inkhelin, 9 Ball-ah Lalsangzela, Khatla South nen an inhmachhawn thung dawn a ni.
Zanina khelh Pool 10 Ball Semi final-ah hian T Laltlansanga, Lunglei vs PB Liansangzuala, Dawrpui leh T Laltanpuia (tpa), Upper Republic vs Zonuntluanga (Tekawka), Electric Veng ten match an khel a. Semi Final hi race to 7 a khelh a ni.
Match hmasa zawk T Laltanpuia leh Zonuntluanga (Tekawka) inkhel-ah 7 - 5 in T Laltanpuia a chak a, final a lut a. Semi final hnuhnung zawk-ah PB Liansangzuala leh T Laltlansanga te inhmachhawnin, T Laltlansanga’n 7 - 3 in hnehna a chang a, final a lut a ni.
Pool 9 Ball semi final hi March 21, 2024 khan lo khelh tawh niin, PB Liansangzuala leh T Laltlansanga te inkhelin, T Laltlansanga 7 - 3 a chakin, final a lo lut tawh a. 9 Ball Semi final match hnuhnung zawkah Lalsangzela leh Lalchhandama te inkhelin, Lalsangzela’n 7 - 1 in hnehna a chang a, final a lo inhlang kai tawh bawk a. final-ah hian T Laltlansanga, Lunglei leh Lalsangzela, Khatla South te an inhmachhawn dawn a ni.
Mizoram State Pool 9 & 10 Ball Championship 2024 hi March 4 khan tan a ni a, Mizoram hmun hrang hrang atangin Player 51 an tel a, March 30, 2024 hian a hmawr bawk a ni dawn a ni.
Mizoram State Pool 9 & 10 Ball Championship 2024 hi MSBA buatsaih niin, MSBA Hall, Hawla Indoor Stadium, Republic Vengthlang-ah khelh a ni a. Quarter final atang khan Youtube-ah live a tihchhuah a ni a. Final pawh hi Explore Mizoram Youtube channel-ah Live a pekchhuah tum a ni.
Zanin result:
T Laltanpuia 7 leh 5 Zonuntluanga (Tekawka)
T Laltlansanga 7 - 3 PB Liansangzuala
Mizoram State Pool 9 & 10 Ball Championship 2024 Final
March 30, 2024, @ MSBA Hall, Hawla Indoor Stadium.
Pool 10 Ball:
2:00 PM: - T Laltanpuia Vs T Laltlansanga
Pool 9 Ball:
4:00 PM: T Laltlansanga Vs Lalsangzela
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: