Mi kut tuar ni ngeia hriat Nutling thiin hmu

Aizawl | March 17, 2024: Mi kut tuar ni ngeia hriat Nutling V Lalhmingthangi (52) chu a dawrah thiin hmuh a ni.

V Lalhmingthangi (52) w/o C Zothanmawia, Tuikual South chu vawiin chawhma dar 10 vel khan Aizawl New Market-a a dawrah thia chhar a ni.

Police-ten a tul ang an buaipui nghal. Mi kut tuar ni ngeia hriat a ni.

V Lalhmingthangi hi nizana dawr a khar hnuah thil lei duh nia in sawiin a phone leh a, chuvangin dawr hi a hawng leh tih hriat a ni.

Cell Phone, Pawisa leh Kudam Chahbi an la a Pawn lamah an kalh hnan a ni awma hriat a ni a.

[he thihna hian zawhna a titam hle a. Chiang taka sawi theih ni lo mahse, mi kut tuara thi ngei chu nia rin a ni.

Zanah hian a riah chilh ngai lova. Nizan khan a bungrua hi Manipur lam miin a hlawmin an la a. Haw tura a insiam peih vek hnuah (a dawr hi kawngpui an a ni lo) a scooty a a lawn dawnin, "Thil dang kan la duh leh a, tiin a hmaa dawrtute hian phone in an ko let," nia hriat a ni.

Chumi hnu chuan, kutthlaktu hian kut hi a thlak ta a nih hmel.

V Lalhmingthangi bazar-a dawr nei a nih angin haw tlai chang a nei thin a, chung hunahte chuan an pa hian a lo mut san mai thin.

Tukina an ina a lo awm loh avang leh phone hmanga biak theih a nih loh avangin a dawrah hian a chhungte an kal a, dawr hi pawnah a lo inkalh. Dawr kawngkhar bul velah thisen hmuh a nih vangin tala chhut chhiat a ni a, thisen baw nuai karah thia hmuh a ni.