NUA-in Sihhmui-a raltlante ṭanpuina hlan; Free Medical Camp buatsaih

Aizawl | March 17, 2024: Network For Unity Association, Mizoram (NUA) chuan nimin Inrinni khan Sihhmui Refugee Camp II-a in kang tuartute ṭanpuina an hlan a. Sihhmui-a Myanmar Refugee awmte tan Free Medical Camp an buatsaih bawk.

Nimina ṭanpuina an hlante hi Feb thlaa in pariat kangte ṭanpui nan Tuizem litre 2000 pahnih, Water Filter pariat, Commode leh Pipe panga, bakah tui lakna tui pipe meter 100 ṭheuh panga an pe a.

tanpuina thilpek an hlan

Myanmar Refugee te puala Medical Camp-ah hian Doctor in an hriselna te a endik hnuin damdawi a chawh a, damdawi hi chihrang hrang an mamawhte a thlawnin pek vek an ni.

Heng a hlawhtlin theih nana bungrua, sum leh damdawi thawhtute chu; Chin Community of Owenboro, Mother’s of Chin Relief Committee ( MCRC), Copex Health Care, Zos Enterprise leh mi inphal mi tarlan duh lote an ni.

Free Medical camp-ah hian puitling - mipa 13, hmeichhia 36 bakah Rai 3 te an inentir a, naupang - mipa 8 leh hmeichhia 6 nen, an vaiin mi 66 an inentir a ni.