Aizawl | March 9, 2024: Sihphir Venghlunin rahbi pawimawh tak an tuk a, zirtawpni zan Mahindra XUV3OO LPS Cup round of 16-ah goal thum goal hnihin anni aia boruak nei zawk Republic Veng an hneh.
Rajiv Gandhi Stadium, Mualpuiah team inkhairual Sihphir Venghlunin a tir lam an awpbet a, minute 14-ah Joseph Lalthafela'n freekick petin Lalramluaha'n tauh a, goalkeper R Vanlalhmangaiha'n goal kham nam per mah se Malsawmtluanga'n a su lut.
Minute hnih hnuah Ricky Lalramnghaka'n vei lam sirah khalh lutin Republic defender pakhat a bum hnuah angle zim tak atangin a pet lut a, rang takin si hnih faiin hma an hruai a ni.
Minute 23-ah Lalnunzira'n ding lam sir atanga a vawrh chu goalkeeper Zoliansanga'n a tihbuai hmain Felix Lalruatsanga'n a malpuiin a dang lut a, kir leh turin Republic tan beiseina a siamsak a ni.
Mahse, minute 62-ah Joseph-a freekick pet atangin Sihphir Venghlunin goal an thun leh a, Ramluaha'n goal ban a tauh per hnuah tauh nawn lehin si hnih bawkin hma an hruai leh.
Tournament hnuhnung br 2019-a final lut Republic-in hun tawp lamah an nawr nasa a, minute 85-ah Felix-an he inkhela a tum hnih nan goal thunin Zirtea ball vawrh hmangin goal ban hla lamah a tauh lut a, inkhel boruak a nung thar leh.
Derthawng takin Sihphir Venghlunin hma an hruaina an humhim tluan a, hun tawp dawnah si hniha chak thei turin PC Lalruatsanga'n a thun teuh hle a, ball a tlan falpui hnuah petin Republic keeper Hmangaiha'n a nam chhuak a ni.
Zirtawpni zanah round of 16 zawh fel a ni a, Aizawl district pawn atanga sawm bik pali atangin pathum Sialhawk, Thenzawl Joint leh Kawnpui Joint bakah, champion lai Armed Veng, vawi thum champion tawh Ramhlun South, 2016 champion Bethlehem Vengthlang, Sihphir Venghlun leh Vaivakawnin quarterfinal an lut a ni.
Republic Veng LC 2-3 Sihphir Venghlun VC
⚽RV : Felix Lalruatsanga 23' 84'
⚽SPV : Malsawmtluanga 14' Ricky Lalramnghaka 16' Lalramluaha 62'
Divya player of the match : Joseph Lalthafela (J. No 17 , Sihphir Venghlun VC)
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: