GANC-ah International Seminar on ‘Re-Thinking Colonialism’

Aizawl | March 19, 2024: Vawin ni 19.3. 2024 (Thawhlehni) zing dar 10:30 am atang khan Government Aizawl North College History Department leh IQAC Tangkawpin an huaihawt International Seminar neih a ni a. An thupui hi ‘Re-Thinking Colonialism’ a ni. Mizoram leh India ram British in min lo awp dan te ngaihtuah nawn/ thlirletna zir chianna hun neih a ni.

Hemi hunah hian Chief Guest Prof. Dibakar Chandra Deka, Mizoram University Vice Chancellor hian seminar Inauguration neiin Colonialism chungchang mai bakah Arts leh Science a in kungkaih ngheh zia te, kan chhehvela thil thlengte hi kan pumpelh theih anih loh vangin ngun taka kan lo thlir a kan lo hriat ve a , a thalo leh khawtlang leh keimahni tana thalote kan dodal ngam an ngaih ziate a sawia. Tiang hre tur leh hmu thiam tur hian Mizoram hi literacy rate (ziak leh chhiarah ) an sang hle mahse hei hi a tawk loa, kan ngaihtuah na leh thlir dan zau zawk kan lo neih theih nan education hi kan ngaih pawimawh a ngaih zia a sawia. He Colonialism pawh hi a hma anga langsarin awm tawh lo mahse kan khawvelah hian a chak zok ten a chaklo zawkte awp behna hi a la awm renga, heng te hi sual chhuak thei tur hian mahni duhthlanna fim tak hmang thiam a, kan duhloh leh a thalo turah chuan kan ram leh hnam humhalh nan huaisen taka kan ngaihdante kan auchhuahpui ngam a , belhchian dawl tak leh a thuk zawka kan boruak tawn te hrethiama tianga aw chhuah tur chuan zirna lama tan kan lak a ngaih ziate a sawi bawk a ni.

He international seminar ah hian Dr. Marina Ngursangzeli Behera, Middlesex University, Oxford Centre for studies as a Chief editor ni lai mek, , Dr. Samuel.Vanlalthlanga Govt. Aizawl West College, Rev. Dr. Lalrokhuma Hmar, ATC, Mr. Joseph Lalzarliana , Department of History and ethnography , MZU, Dr. Ramdinthari, Govt. Aizawl North College leh Dr. C Lalhmanmawia Govt. Aizawl North College ten paper an present bawk a ni.