HBC-in MZU Annual Sports 2024 chak lawmna leh an College chhuak mi hmingṭhate chawimawina hun hmang

Aizawl | March 19, 2024: Govt. Hrangbana College chuan vawiin tlai khan , an college Golden hall-ah 22nd MZU Annual Sport 2024 a an champion lawmna leh an college chhuak mi hlawhtlingte chawimawina hun an hmang a. He hun hi Pu JK Dawngzuala ZIDCO Chairman-in khuallian niin a hmanpui.

Khuallian Pu JK Dawngliana hi Hrangbana College Alumni Association President ni bawk chuan thu sawiin, hun rei tak chhung champion lawm tur kan neih tawh loh hnuah 2023 leh 2024 ah MZU Annual Sport hlawhtlinna nopui Hrangbana College-a a lo haw leh thei ta chu lawmawm a tihzia a sawi a, a hlawhtlin theih nana mi pawimawh zirlai player zawng zawng bakah zirtirtute fakawm a tih thu a sawi a, infiamna lamah India ram huap leh khawvel huap pawha Mizo ṭhalaiin hma an sâwn zêlna kawngah zirlai infiam mite chu mi pawimawh an la nih theih tur thu a sawi bawk a. An theihna te chu college chhungah tâwp mai lo se, Mizoram tan leh Mizo hnam tâna rilru zâu zawk sênga hmasâwn zel turin a chah bawk. College zirlaite chu an zirna ah theihtawp an chhuah piah lamah pawh taksa sawi zawina leh thluak sen theihna tur competition ah te tel tam turin a fuih bawk.

He champion lawmna ah hian leh Alumni mi hlawhtlingte chawimawina hunah hian Hrangbana College aiawha MZU Sport-a tel zirlai infiam mite hnenah chawimawina hlan niin, sports discipline hrang hrang a ti tha chu chawimawina pek theuh ani ni a.

Hrangbana College zirtirtu leh zirlai hlui Mizoram pum huapa mi hmingṭhate chawimawina hun hman a ni bawk a. Hetah hian an College Founder Principal Dr. Kenneth Chawngliana, State Planning Board Vice Chairman, Vanlalhlana Cabinet Minister (ex-Lecturer) Pu Lalbiakzama, Speaker Mizoram Legislative Assembly (ex student), B. Lalchhanzova Minister of State (ex-student), P.C. Vanlalruata Cabinet Minister (ex-student), Dr. Vanlalthlana Cabinet Minister (ex-student), Pi Lalrinpuii Cabinet Minister (ex student), Lalchhandama Ralte Leader of Opposition (ex student) B. Lalchhanzova Minister of State (ex student) Lalmuanpuia Punte Adviser to CM (ex student) Lt. Col. Lalhmingthanga MLA (ex student) J.K. Dawngzuala ZIDCO Chairman (ex student) te chawimawina pek an ni bawk.

He hun hi Hrangbana College Golden Hall-a hman hi Angelina Paul, Alumni member in a kaihruai a, Pro Pastor Vanlalhlana Alumni member ni bawk-in hunserh hmangin Isak K. Vanlalpeka, Students Union General Secretary-in report a pek bakah khual zahawm Pu G. Ṭhuamluaia Sailo, Sailo Agencies leh Principal Dr. H. Lalzidinga ten thu an sawi bawk.

He Championship lawmna kal zêlah hian Hrangbana College zirlai leh zirtirtuten March ni 11 leh ni 13 khan a mamawh apiangte hman atan Civil Hospital Blood Bank ah thisen unit 224 chuang an lo pe tawh bawk.