Boxer Kimkimi'n khiang a awi ta!

Aizawl | March 25, 2024: Mizoram Boxing khawvel-a hriat hlawh tak mai Kimkimi chuan vawiin chawhnu dar 1 khan Ramhlun Vengchung Presbyterian Kohhran Biak Inah, Kohhran dan thianghlimin Lalchhuanmawia Ralte nen tiam tlat e tiin hmangaihna kut vuanin an innei.

Mizoram Boxing khawvel-ah chuan Kimkimi tia hriat, a hming an sawi ruala nula fel leh taima hnathawh hreh nei lo a nihna mi ṭhenkhat chuan an mitthla nghal thin hi a laiah hming chu MC Vankimmawii a ni a. A pa hi boral tawhin a nu erawh ala dam a, unau pariat zinga a naupang ber niin, tunah hian Aizawl Ramhlun South Vengchungah a khawsa mek a. Nula hleitling tak mai, infiamna tuichilh em em a nih bakah boxing leh sport dang a khelh dawn a, mahni intuak chawp a, cement work aṭanga inchung sang taka lawna rawnghnawih thlenga thawk mai ṭhin a nihna hian ngaihsan a hlawh zual hle.

Kimkimi hian Pasal a neih hma, nikum 2023 khan professional boxing a luhchilh tawh nghe nghe. Mizo nula zinga professional luhchilh hmasa ber a ni hial awm e.

Boxing bakah hian, Arm Wrestling lamah pawh Mizoram ai a lo awh zak zak tawh a. Chu mai a ni lo, Marathon thlengin a lo ti thei zel a ni. Mahni intunnun nan theihtawp a chhuah a, a tul chuan rawra thiar, balu thiar atangin cement work leh in rawng hnawih thlengin a thawk mai thin. Hringnun laka vui hmel a pu ngai lova, a tuina lama kal tur leh a nu dam lo enkawl turin a theihna zawng zawng a hlan mai thin a ni.

Chutiang khawpa hmeichhe tumruh chuan Boxing leh Arm Wrestling-ah te hlawhtlinna tam tak a chang a. A hlawhtlinnate hi a thlantui farchhuah liau liau a ni.

Hlawhtlinna a lo chan tawh hrang hrangte tarlang ila;

1. Mizoram Inter-District Boxing Champiobship

2018 (Silver Medal)

2019 (Gold Medal & Silver Medal)

2021 (Gold Medal)

2022 (Gold Medal

2. 3rd Youth Women's National Boxing Championship 2019, Bronze Medal

3. North East Regional Sport Week 2022 (Silver Medal) Best Loser

4. North East Olympic 2022 (Silver Medal

5. Mizoram State Games 2019 (Bronze Medal)

6. Mizoram Inter-Club Boxing Championship 2019

7. Mizoram State Arm Wrestling Championship

    2018 - 1st Gold Medal (45&55kg)

    2021 - 3rd Bronze Medal 60kg

    2022 - 3rd Bronze Medal (60kg)

8. 2019 National Arm Wrestling, Silver Medal

9. XXXXIII National Arm Wrestling Championship 2019, Chhattisgarh 55kg Junior 1st position & Senior 3rd position

10. 2017 B. Lalthlangdika Memorial Open Arm Wrestling Championship 65kg category 2nd position

11. Marathon 2019 3rd

A hlawhtlinna chan tawhte hi kan tatlang seng awm love.