Zo Career Solutions leh AR ten a thlawnin Pre Recruitment Training buatsaih leh

Aizawl | Feb 28, 2024: Mizo thalai Sipai luh tumte tan a thawh 2-na tura 2 BN (Lakhimpur) Assam Riffle leh ZoCareer Solutions Chanmari te tangkawpin an buatsaih Pre Reruitment Training chu nimin khan Assam Riffle Gajrat Hall-ah a hawnna hun buatsaih a ni.

Col. Mukesh Sauhta, C.O chuan he Pre Recruitment kaltlang hian Mizo thalaite tan theihtawp an chhuah zel tur thu a sawi a. Sipai hnaruak hrang hrang luh tumte, tih tak zeta thawkrim turin a chah bawk a ni.

Assam Riffes aiawh hian Lt. Col Nikhil Prakash, 2IC chuan report a pe a, he Pre recruitment atan hian Technical Expert Team din a ni a, Written Examination atan nitin zing Dar 9 atanga Dar 12 inkarah leh Tlai dar 5 atanga dar 8 inkarah Class buatsaih thin a ni ang a, Nitin zing Dar 6-ah Assam Rifles Lammual-ah Physical Training neih thin a nih tur thu a sawi a ni.

ZoCareer Solutions Director Pu RK Hnuna pawhin thusawiin, He program in a tum ber chu Sipai hnalak tur hrang hrang; Indian Army (Agniveer), Assam Riffle SSC(GD) leh Defence lam exam hnaruak dangte ah mizo thalaite a tam thei ang ber an luh theihna atan Pre-Recruitment Coaching Class buatsaih a nih thu a sawi a.

He Pre Recruitment Training ah hian Mizo thalai Sipai nih tumte, theih tawp chhuah huam apiangte chu rawn tel zel turin an sawm a ni.

He Pre Recruitment Training Session 2-ah hian Mizo thalai Mi 100 chuang an in ziak lut tawh a ni.