Awareness programme on PMKSY and Other Related Rural Development Schemes buatsaih

Aizawl | Feb 28, 2024: Vawiin Ni 28.2.2024 dar 11:00 ah khan Rural Development Conference Hall Chandmari ah Govt.T.Romana College a Sociology Department final semester zirlaite pualin Rural Development Department in Awareness programme on PMKSY and Other Related Rural Development Schemes an buatsaih.

Awareness Programme hi Pu Lalnuntluanga, Project Officer, Rural Development Department in a kaihruai a, Pu R.Lalthazuala, Director in Key note address a pe.

Awareness Programme ah hian Pu Jedid Lalnundanga Keivom, Pi Esther Lalhlimpuii leh Pu Zoramsiama hmar ten Pradhan Mantri Krishi Sinchayee Yojona 2.0, National Rural Livelyhood Mission, Mahatma Gandhi National Rural Employment Guarantee Scheme hnuaia hmalakna hrang hrangte chipchiar takin zirlai an hrilh a, Zirlaiten zawhna an neihte resource person ten an chhang a, zirlaiten hlawkthlak an ti hle.

Pi Lalngaihawmi Khiangte,Associate Professor chuan final semester Zirlaite tana pawimawh leh tangkai, an zirlai puithei tura awareness programme an buatsaih sak avangin deptt.hotute chungah lawmthu a sawi a, Pu Zoramsiama, Deputy Director in lawmthu sawiin hun a khar.