Aizawl | Feb 6, 2024: Spa Jongte man tum danah dan palzutna awm nia hriain zanin dar 7:30 vel aṭang khan MNYF te chu Aizawl Police Station-ah an pungkhawm.
MNYF punkhawm chhan - a hriselna a ṭha lova, MO in unfit a tih vek tawh hnuah, thuneitu sang aṭanga nawrna avangin check ṭha leh tura tihna a awm nia an hriat avanga lungawi lovin, an pungkhwm ta a ni.
Thudawnna chuan, "Medical-ah, Unfit tih hnuah custody ah dah luih an tum a. Thuneitu sang aṭanga custody a dah tura nawrna avangin medical test neih ṭhat tir leh a ni," a ti bawk.
"Hetianga doctorten a, custody a awm tura fit lo an ti chunga dah luih tum a nih hi dan palzutna leh medical duty officer te thuneihna hmanga nekchepnaah kan ngai a, chumi avanga police hmalakna enzui kan ni." tiin thudawnna rintlak tak chuan a sawi.
Spa Jongte hi MNF General Hqrs-ah Joint Secretary ni mek a ni.
• 9:15 PM: A vawi thumna atan medical test an ti ṭha leh dawn a. Civil Hospital, Aizawl an pan mek.
• 10:00 PM: Medical Checkup neih ṭhat leh hnuah, Civil Hospital, Aizawl-ah admit a ni.
Damdawi In tualah an punkhawm leh hnuin MNYF te hi an ṭin ta a ni.
| Spa Jongte thlavang hauhin MNYF pungkhawm; Damdawi Inah admit a nih hnuah an tin! |
Spa Jongte man a ni
Tlangval U Hranga tih account hmanga Facebook-a a thu post avangin Spa Jongte chu nizan (5.2.2024) khan Cyber Crime Police-te'n an man.
Spa Jongte hian Tlangval U Hranga tih account hmangin Sihhmui thihna thleng chungchang a post a, a thu post-ah hian chutih hunlaia opposition group leader, tuna chief minister ni ta Lalduhoma hming tarlan tel a ni.
He thu post chungchangah hian nikum khan court-ah criminal complaint thehluh a ni a, court-in chhui tura a tih angin Cyber Crime Police-te chuan an chhui a ni. Tlangval U Hranga tih account hmanga thu post tu hi Spa Jongte tih an finfiah.
Nizan khan police-te chuan Spa Jongte hi an vengah an man a, he thuziahlai thleng hian an la kawl. Bail tum nimah se, an bail thei lo.
Tlangval U Hranga thu post (A ngai ngaiin):
Sihhmui khua ah chhungkaw harsa ve tak mai Pu Lalrinmawia leh a nupui te, a fate naupang te te pahnih nen an khawsa ve a, chhungkaw hlim thei tak an ni.
Kum 2013 Congress sawrkar nawn leh hnu lawk December 7 khan Pu Lalrinmawia hi sakuh thang te kam turin a ram vak chhuak a, he mi ni hian a haw tak mai loh avangin atuk ah zawn a ni a, Pu Lalduhoma huan ep chiah luang hmun ah kah hlum tih hriat takin thi a chhar a ni.
He thihna hi Social media lar hma leh internet khawvel ah kan la chen tam hma deuh a nih avangin mipui tam zawk in kan hre lova, internet ah pawh zawn hmuh tur a awm lo a ni. Rev Chanchinmawia thihna te kan Politicize nasa em em a, kan in chirh theh nasa in rin dan leh hmuh dan te pawh kan sawi nasa hle, he Sihhmui pa rethei leh khawngaih thlak tak thihna hi eng vangin nge kan sawi loh bik ang, eng vangin nge he thihna chung chang ziaktu hi case file a chhui zui kan nih bik ang..? Rev Chanchinmawia thihna pawh an ziak kur dep dup alawm le !
He tia Pu Lalrinmawia thi a an chhar hnu hian Lengpui PHC ah Postmortem a ni a, Silaimu a taksa ah hmuh a nih loh avangin a chhungte leh khawtlang hruaitu te ngenna angin Civil hospital Aizawl ah postmortem nawn leh ni in, he tah hian silai mu changkang tak mi na zawng neih phak loh silai mu chu a taksa ah hmuh a ni ta a ni.
He thil thleng ah hian FIR theh luh a ni lova, Police ten atul ang an bawh zui nghal avang leh case an Register avangin a chhungte hian thehluh hran ngai lovah an dah a ni. He thihna ah hian mipa pakhat Balu la thin chu witness ah atir ah atang a, kha tih hun lai a asawi dan chuan "Pu Lalduhoma te huan mawng lam ah hian Pu Lalduhoma leh a thiante pahnih hi silai inkah siak in an awm thu a sawi a ni" mahse witness hi tu ten emaw an hrilh danin in harsa si a court kal reng a ngai a nia i rin aiin i buai tam mai mai ang' an tihsak avangin a in hnuk dawk ta niin an sawi. A hnu ah mi thenkhat ten he thihna hmun an zuk en hian Pu Lalduhoma te awmna leh Pu Lalrinmawia thihna hi in ep chiah chiah meter 70 vel bawr a inhlat a ni an ti.
Ka ngaihtuah mai mai chu, kha ti khawp a in ep tha leh hla over lo, ram hnuai ah hnim buk karah mihring han awmse kam nam deuh chuan Ransa emaw tih a kah mai chu awl deuh tur a ni.
He case hi mak deuh chu case IO hi vawi 4 ngawt thlak a ni a, ti hian an khal an khal a, a zuzi nge a tawp tawh nge, a la kal zel tih pawh a nupui leh a fate hian an hre miah tawh lo a nih chu. He thil hi tih palh niin a ngaih theih na lai a awm a, mahse a ti tu te hian Pathian hnenah leh Pu Lalrinmawia nupui leh fate hnen ah hian ngaihdam dil hnuhnawh leh se a tha khawp mai, an ni pawh hian kum tam tak kal tawh thil a ni a, case ziak lut loin an ngaihdam mai theih a rinawm, mihring hmuh ah zep thei mahse Pathian engkim hre tu hma ah hian ala in puang dawn tho tho si a. sumdawnna a ni emaw, Politics ah a ni emaw, thil dang ah pawh he thil titu hian a tum ram thleng pha lovin a tluan loh phah ngei ang tih hi ka ring tlat a ni.
(Pu Lalrinmawia (fam) nupui leh fate hi an harsa ve em em a, Case hi tharthawh leh duh mahse an tan a buaithlk si a, Social activist Pu Vanramchhuangi te emaw, mimal leh pawl tlawm ngai ten pawisa thawh khawm a, an pa an ngaih em em thihna zuzi bo mai tur hi, an rilru a nawm nan leh an hmangaih em em an pa boral dan dan dik tak hre tur hian ke lo pen chhuahsak turin kan sawm nghal a che u.)
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: