NGOCC-in Border Fencing hung leh FMR ṭhiah tumna dodal tum

Aizawl | Feb 6, 2024: NGO Co- Ordination Committee chuan India sawrkarin Border Fencing hung a tumna leh FMR ṭhiah tumna chu dodal an tum.

vawiin tlai dar 3-a MZP Conference hall, MZP Pisa Pui-a meeting chuan Border Fencing hung tum leh F.M.R thiah tumnaa NGOCC anga hmalak dan tur an sawiho.

NGOCC chuan, Central Sawrkar- Home Ministry leh Mizoram sawrkarah Border Fencing duh lohna leh Free Movement Regime (FMR) thiah tum duh lohna Memorandum thehluh nise an ti a. Hemi chungchanga dodalna lantir dan tur (physical Activity) chu a tul ang a la ngaihtuah nise, an ti.

NGOCC chuan, Border Fencing leh F.M.R chungchangah hian a tul ang zelin a nghawng tur ram (state) te nena thawhho a, inbiak an rel a. A tul angin kohhran (MKHC) te pawh phungbawmah sawm an tum bawk.