MZU-ah Radio Script Writing zirho

Aizawl | Feb 29, 2024: MZU Mass Communication Department chuan ni 29 February 2024 khan an Mass Comm. 1st semester zirlaite tan News ziah dan chungchang leh hriattur pawimawh zirhona an buatsaih.

Radio Script Writing Workshop ah hian Assistant Professor Dr. Lalremruati Khiangte chuan Workshop an buatsaih chu zirlaiten an hlawkpui ngei a beisei tih sawiin Radio chungchanga zirlaite hriatna ti zau tu atan tangkai tak ani dawn a ti a, News chungchanga an hriat fiahloh tam tak hrilhfiahna hun tha tak ani dawn tih sawiin zirlaiten hlawk taka hmang turin a chah a, nawr kal ngai lova mahni a hmasawn tuma ke pen tura chahin midang ring lova mahni thawh tum a pawimawh tih a sawi.

He workshop Radio Script ziah dan zirhona ah hian Resource Person atan All India Radio leh The Print Correspondent Isaac Zoramsanga chu sawm niin ani hian zirlaite kalkhawmte chu Radio nih phung hrang hrang leh an hnathawh dan te a sawi a, hmasawnna tur kawng hrang hrang sawiin zirlaite chu mahni hnam tawng ngai pawimawh turin a chah a, chanchinbu leh Radio danglamna sawiin Sawrkar kalphung dah pawimawh hmasak ani thin a ti a, midang tih sa her rem mai lova mahnia thawh ve ngei a pawimawh thu a sawi.

Resource Person chuan zirlaite tan Journalism ah kawng tam taka hlawhtlinna a awm thu sawiin News ziah lama tuilo tan pawh tihtur tam tak a awm a ti a, mahnia in hai kaw peih leh taima tan hmun a tam tih sawiin zirlaite chu mahni indah sang lova midang ngaichang zel turin a chah a ni.

Isaac Zoramsanga chuan Social Media khawvelah news thehdarh rintlak loh tam tak a awm thin tih sawiin hetiang hunah hian Journalism zir chhuak te chu thu dik thliar thiam turin a chah a, Department-a zirlai an nih chhungin hotuten ti tura an tih ang te tha taka ti turin a duh tih sawiin nakin zela an tana pawimawh anih tur thu a sawi bawk.

He hunah hian Department of Mass Communication-a Head of Department Prof. V. Ratnamala, Prof. Irene Lalruatkimi leh faculty dangte pawh an tel bawk a ni.