Aizawl | Feb 29, 2024: Vawiin February 29, 2023 hian Student Bar Council leh Special Academic Programme Committee, Govt. Mizoram Law College te buatsaihin GMLC Legal Chamber-ah 'Legal Talk' buatsaih a ni a. He hun hi Pi Lalrochami Ralte, MJS, Chief Judicial Magistrate, Aizawlin khuallian niin a hmanpui.
Khuallian chuan, dan lamah Mizo ten hma kan sawn nasat tawh dan te sawiin, zirlaite chu an mihringpuite dikna chanvo humhim nana bei tur leh dikna tungding tura ke pen turin a fuih a ni.
Legal Talk hi hun hniha hman niin Chawhma lam hi 'Symposium on Sustainable Development Goals and the role of law in its implementation' tia hun hman a ni a. Pi Zopuii Khiangte, SDG Consultant, Planning & Programme Implementation Department leh Pu Vanlalthlamuanpuia, General Secretary, Centre for Environment & Social Justice, Mizoram ten SDG awmzia leh Mizoram dinhmun hrang hrang te sawina an nei a ni.
Chawhnu lam hi 'Legal Awareness on laws related to children' tia hun hman a ni a. Hetah hian Pi Liansangpuii, Protection Officer, District Child Protection Unit, Aizawl-in naupang kaihhnawiha dan hrang hrang leh Child Protection hmalakna te sawina hun a nei a. Sawihona hun tha tak hman a ni.
He hunah hian Pi Zoparliani Khiangte, Asst Professor leh Lalsangkima, President ten thu sawina an nei bawk.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: