KṬP General Conf. ṭan a ni ta; Mikhual inreport 10k chuang tawh!

Aizawl | Feb 29, 2024: KṬP General Conference, Ngopaa nghah chu zanin aṭangin ṭan a ni a. He thu buatsaih lai thleng hian palai sang riat chuang an in report tawh.

Mikhual thleng tawh, reception-a in report, thlen in siamsak tawh hi 8211 an tling tawh a ni.

Kawng laih la siam zawh si loh a nih avangin kawng a khu hle a, two wheeler-a te phei chu an paw tha hle tlang hle.

Palai kalkhawm an tam avangin lirthei a jam nasa hle a, Ngopa khaw tawn tirhah traffic a jam nasa a, inkhawm tan a nih hnuah pawh lirthei za tel khaw chhung la lut thei lo an awm.

Palai ṭhahnem takin Ngopa daiah an luh hun tur an la nghak a, vawiin palai thlenni bika palai kal zat dik tak hi a hmun an la thlen kim loh avangin a la hriat theih loh a. Sing khat chuang tura ngaih a ni.

Naktuk zinga Ngopa pan tum ṭhahnem tak an awm a, Naktuk chawhnua Chapchar Kut zawha kal tum an tam a. Inrinni-a kal tum tam tak an awm bawk a ni.

9:40 PM:

Zanin dar 8:45 thleng khan mikhual riaklut in report hi mi 11,609 an tling tawh a. Kawng laka la thang mek leh, kawng chhiat vanga la tanhkhang an awm nual niin thu dawn a ni.