LDSA huaihawtin Joint NGO Chawngte meeting nei

Aizawl | Feb 29, 2024: Lawngtlai District Students' Association huaihawtin Lawngtlai District a Chawngte 'C' leh Chawngte 'P' Joint NGO meeting chu Dt.29.2.2024 Thursday khan YMA Library Chawngte P ah neih a ni a. He meeting ah hian Lawngtlai District a Chawngte khawtlang hmasawnna tur thil tam tak an rel.

Thurel pawimawh zual te chu:-

Lawngtlai District a Chawngte khua leh a chhehvel ten an rinber Chawngte Community Health Center chu thawmthat angaih zia Joint.NGO meeting ah hian sawiho ni in. Tun dinhmunah Ultrasound, X-Ray khawl leh Ambulance te chu infrastructure Chawngte HCC a awmlo mipuiten an mamawh zual anih avangin Health Minister hnenah heng hmanraw mamawhte hi dahsak tura thlen Joint.NGO chuan tha an ti a. Heng bakah hian Chawngte HCC a Doctor (MBBS) pakhat chauh awm chu pakhat dang dahbelh tura hmalak leh X-Ray technician, Health Supervisor leh Health worker te pawh mamawh anih thu tawngka leh ziaka Health Minister hnenah hrilh hriat nise joint.NGO chuan tha an ti bawk a ni.

Tin, he meeting ah hian Chawngte Police Station a thawktu indaihlohna chungchang sawiho bawk ni in. He thil hi chiang zawka zirchian hnu ah , a tul anga department concern Minister hnena thlen nise an ti a. Tin, Chawngte khawchhung kawng siam mek chungchang pawh he meeting ah hian sawi ni in. A tul anga Joint.NGO in kawng siam mek te pawh enpui zel nise an ti bawk a ni.

He meeting ah hian LDSA, CYCA, Chawngte P Thalai pawl, YMA Chawngte P Branch, YLA Chawngte P Branch, YLA Sub Headquarters Chawngte P bakah MHIP Chawngte P Branch atangin pawl aiawh an tel a ni.