Printing & Stationery Department Minister in Mizoram sikul Zirlaibu chhutna hmun tlawh

Aizawl | February 3, 2024: Printing & Stationery Minister Pu F. Rodingliana chuan Nimin (Zirtawpni) khan Mizoram sikul naupang zirlaibu chhutna hmun Guwahati a mi tlawhin, sikul text bu chhut mekna printing press hrang hrangte tlawh kualin a endik a, zirlaibu chhutna hmunpui ber Guwahati daia awm Saraighat Photo Types Pvt. Ltd., Panikhaiti-ah company neitu hrang hrang te nen inkawmna hun tha tak an nei.

Minister chuan he hunah hian Assam Press mite pawh kawmin Guwahati a tlawh chhante leh Mizoram Sorkar hmachhawpte a hrilh a, sikul naupang zirlaibu chhut mek chu ngaih pawimawh ngai bik anih thu sawiin, zirlaibu quality ṭha siam a tul thu leh a hun taka zirlai bute zirlaite hnenah sem chhuah a nih theihna turin a hmun ngeiah a enfiah thu Minister hian a sawi a ni.

Minister hi Pi Josephine Zonunsangi, Deputy Controller, Printing &Stationery Department leh Er. Vanlalmuanchhana, Principal cum Project Manager, Printing & Stationery Department bakah Dr Malsawmtluanga Fanchun, Deputy Resident Commissioner, Mizoram House Guwahati ten an tawiawm a ni.