Pawl 12 Science zirlaite tan Pre NEET/SMATEE exam buatsaih

Aizawl | Feb 3, 2024: ZoCareer Solutions, buatsaihin vawiin chawhma khan Govt Hrangbana Vollege-ah Pawl 12 Science zirlaite tan Pre NEET/SMATEE test neih a ni.

National Eligibility Entrance Test (NEET) leh State Medical and Technical Entrance Examination (SMATEE) 2024 lo awm tur atana Zirlaite'n inbuatsaih lawk dan an lo thiam theihna atan leh he exam kalphung an lo hmelhriat chian theihna atana ZoCareer Solutions, Chanmari te'n an buatsaih PRE NEET/SMATEE 2024 chu Vawiin 3rd February 2024 khan Govt. Hrangbana College-ah neih a ni.

He Exam hi Mizoram chhunga Pawl 12 Science Subject zir mekte tana a thlawna buatsaih a ni a. Darkar 3 chhung Exam hi neih niin, Exam Question hi NEET leh SMATEE kalphung ang chiaha siam a ni bawk. OMR Answer Sheet hmangin zawhnate hi chhan a ni.

Mizoram hmun hrang hrang atangin zirlai 456 te chuan he Pre NEET/SMATEE hi an hmachhawna a. He Pre NEET/SMATEE a titha 10 te chu ZoCareer Solutions hian lawmman tha tak a buatsaihsak dawn a ni.

ZoCareer Solutions hi A/77, near AXIS BANK, Chanmari, Aizawl-ah an awm a, Zirlai hna zawng mekte leh zirna sang zawk atana ibuatsaihte tan coaching an kalpui a, zirlai pawh an ngah hle a ni. Heng bakah hian, ZoCareer Solutions hian Mizoram hmun hrang hrang, zirna in hrang hrangah Career Guidance leh Awareness an buatsaih thin a. NGO thenkhat nena tanghovin zirlaite hnenah a thlawnin hna zawnna kawnga kawng kawhhmuhna hun an buatsaih thin bawk. Zirlai kawng la bo tak takte kawng kawhhmuhtu an ni a, mi dang hmakhaw sial nana puitu tha tak an ni.