Aizawl | Feb 3, 2024: Chinland Council meeting vawi 2-na chu February ni 1 khan neih a ni a , Ministry 15 neiin Chinland Interim Sorkar din a ni thu hriat a ni.
Kumin 2024 January ni 30 atanga 31 thleng khan Chinland Council meeting vawi 2-na chu Chinlung tia hriat hmun pakhat-ah neih a ni a, mi za chuang zet an tel a ni.
Chinland Council meeting hmasa bera thutlukna siam tawh angin, Chinland sorkar chu Executive , Legislature , leh Judiciary tia lungthu pawimawh tak 3 hmanga din a ni tih Chinland Council Secretary Salai Paul chuan a sawi a ni .Sorkar reng reng chu hetianga rorelna inchherchhuan dan 3 (Three tier structure of Government) a ni tlangpui thin a ni .Hei hi Chinland rama rorelna leh thuneihna semzai (Decentralisation of power & Function) kawnga pawimawh em em hi a ni.
"Kan danpui chu mipui hmaah kan pharh tawh a. Chinland Council meeting hmasa ber thuchhuak angin, ni sawmruk chhunga din tura a tih angin Chinland Parliament, Chinland Judiciary, Supreme Court, leh din a ni ta a ni." a ti.
Hei hi tuna revolution kal mek hunchhunga mipui harsatna an tawhte sutkian tumna nena din a nih thu a sawi bawk.
Chinland sorkar Prime Minister atan Pu Pathanga hian he mawhphurhna hna a chelh dawn a, Ministry of Foreign Affairs, Ministry of Defence leh Ministry of Interior leh Ministry of Education telin Chinland sorkar chu Minister 15 awmna a ni.
Chinland sorkar inrelbawlna hi Chin Three Brotherhood Alliance pawl Zomi Federal Union (ZFU/PDF-Zoland), (CNO/CNDF) leh Chin National Council (CNC-Mindat) (CNC-Mindat/CDF-Mindat) te chuan an la zawm thei lova , Chinland Council official-te chuan, la zawm lote chu an tel theih nan hma an la dawn tih an sawi.
Chinland Danpui hian Federal structure a pawimawh em em state inrelbawlna tur ruangam leh kaihruaina hrang hrang tarlan a ni a, Chinland sorkar thuneihna chu chiang takin tarlan a ni bawk.
Chinland Constitution-ah hian ram inrelbawlna kengkawh turin Executive, Legislature, leh Judiciary a awm a, Legislature leh Excutive hi la hrang lova insuihfin a nih hmel a, Judiciary erawh hi chu Executive leh Legislature atanga lak hran hi a tha a ni . Judiciary lak hran a nih chuan rorelna dik a awm thei ang.Judiciary hi Chinland Constitution venghim tu ber a ni ang.
Dr.Suikhar , :External Affairs
3. Pu Thawngzalian :Defence
4. Pu Robin , :Home
5. Pu Sein Aung :Finance
6.Salai Krosthang. :Education
7. Dr.Sharon Par :Health
8. Salai Mana Kee. : Social Welfare
9. Pu.Lalramlawma :Trade & Commerce
10.Pi Ni Sui Lian : Women & Child Affairs
11.Mang Uk Khai : Communication
12.Thang Kam Lian :Power & Electricity
13.Pu Mang Oo. Immigration
14.Hmun Rung Lian : Agriculture, Livestock
15.Salai Zathang : PWD
Tin , Supreme Court Chief Justice atan Pu Thomas Thang Nou , Judge atan Pu Mana Sheing leh Pu Thang Yen te ruat a ni bawk.
Attorney General atan Dr.Tidl Hnuin leh Auditor General atan Pu ChanHam ruat a ni .
Chinland atan leh Chin /Zofate zawng zawng tan an theihna zawng zawng thahneyngai taka hmang turin duhsakna ka hlan e.
- -Tluanga Chhakchhuak
Myanmar Political Analyst.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: