Aizawl | Feb 16, 2024: Mizoram Snooker & Billiards Association (MSBA) buatsaih Mizoram 6 Red Snooker Championship Tournament 2024 chu zanin khan MSBA Hall, Hawla Indoor Stadium-ah khelh chhunzawm a ni a, nakzan hian final khelin a hmawr bawk a ni dawn ta a. Lalsangzela leh T Laltanpuia te'n naktuk tlai dar 6:00 hian final an khel dawn a ni.
Mizoram 6 Red Snooker Championship 2024 hi zanin khan Quarter Finals leh Semi final match khelh a ni a. Tlai dar 5:00 khan Quarter final khelin, Quarter final hi race to 5-a khelh niin, Lalsangzela 5 - 0 PB Liansangzuala, Lalbiaksanga 5 - 3 B Lalhruaitlanga, T Laltanpuia 5 - 3 Lalzawngkima te inkhelin, K Lallawmkima hi a khelhpui tur Lalrina Renthlei Mizoram Super League lama an inkhelh nen a inrual avangin Quarter Finalah a inlan loh avangin a chak bawk a. Lalsangzela, Lalbiaksanga, T Laltanpuia leh K Lallawmkima ten semi final an lut a ni.
Mizoram 6 Red Snooker Championship 2024 hi zanin vek, dar 8:00 khan Semi final khelh chhunzawm a ni a. Lalsangzela'n K Lallawmkima chu 5 - 0 a hneh final a inhlang kai a, T Laltanpuia leh Lalbiaksanga te inkhelhah 5 - 3 in T Laltanpuia a chak a ni. Semi final inkhel a hmuhnawm a, boruak pawh a ṭang hle a ni.
Naktuk zan hian MSBA Hall, Hawla Indoor Stadium-ah final khelh a ni dawn a ni.
Mizoram 6 Red Snooker Championship 2024
Quarter Finals Result (Feb 16, 2024 ~ 5:00 PM)
Lalsangzela 5 - 0 PB Liansangzuala
Lalbiaksanga 5 - 3 B Lalhruaitlanga
T Laltanpuia 5 - 3 Lalzawngkima
K Lallawmkima 5 - 0 Lalrina Renthlei
Semi Final Result (Feb 16, 2024, 8:00 PM)
Lalsangzela 5 - 0 K Lallawmkima
T Laltanpuia 5 - 3 Lalbiaksanga
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: