Mizo film thar 'Thih leh dam' Feb 23-ah

Aizawl | Feb 17, 2024: Mizo flim hlawhtling tak tak Dengi i love you leh Nukawki Pasal te lo siam tawh, Conflate Video Production te chuan, tun thla Febuary ni 23 zan hian an film thar ‘Thih leh Dam’ tih chu Lunglei Saikuti hall ah release leh premiere a ni a ni anga. Hemi zan vek hian Aizawl lamah Vanapa hall ah zan dar 7:30 ah premiere a ni bawk dawn ni.

He filn hi Lersia Play apps lamah en theih tura dah a ni bawk ang.

Thih leh Dam film hi, B Lalbiakvela ziak leh direct a ni a. Director Of Photography hi Ngaihawma Fanai niin, ani hi editor a ni nghal bawk a. Sound mastering hi Mathana (EFX Audio) kutchhuak niin. An tih dan kalphung bawkin, Mizo kutchhuak background score (Background Music) vek an lo hmang leh dawn a ni.

He filmah hian, Ramri leh Ambush film atanga Mizo te’n kan hmel hriat Gilbert Colney leh MSI Chhangte te chu leading role an play dawn a. Heng bakah hian Mizo actor tha Papuia Pachuau leh Lalawma bakah Laltleipuii Punte te chu supporting role ah kan hmu dawn bawk.

Excise chhungkaw pakhat chanchin a ni a. Vantlang in kan hriatpui phak si loh va, Excise nupui te’n harsatna an tawh dan bakah. Hreawm leh hlauhawm tin reng kara, fing taka Excise leh khawtlang hruai tu te’n theih tawp chhuah a, ruihhlo (No 4) man tuma an veh dan leh chumi kara No 4 addict che nawi thei em em te tarlan a ni dawn a ni. He film hi 90% chu thil thleng tak tak behchhan vek a siam a ni.

Heng ah te hian Ticket lei theih a ni.

Aizawl

1. Beki Optical – Bawngkawn

2. Kristy House of Beauty – Zarkawt

3. Bylane Café – Zarkawt

4. ZM Business – Israel Point Bus Stand Bul

5. Millennium Centre kawtah lei theihin a awm bawk ang.

Lunglei

1. RL Restaurent – AOC

2. Zomawi Bakery – Chanmari

3. LB Optical – Chanmari

4. LB Optical – Venglai