Govt. Aizawl College ah R Vanlawma chanchin zirho

Aizawl | Feb 22, 2024: Vawiin ni 22.02.2024(Ningani) khan Govt. Aizawl College ah R. Vanlawma chanchin zirhona “ Symposium of R. Vanlawma (1915-2006) to the people of Mizoram “ hun buatsaih a ni a, Pu Lalmuanpuia Punte, MLA & Adviser to CM in Khuallian niin a hman pui. Symposium hi Govt. Aizawl College- a History Department leh Mizo History Association ten an buatsaih a ni.

Khuallian, Pu Lalmuanpuia Punte chuan, Pu R. Vanlawma chu Zoram hmangaihtu, Mizo hnahthlak zawng zawngte huang khata dah tlattu a ni a. Mizoram hnuk khawih thil a awm a nih chuan tel ve ngei tur leh a mawhphurtu zinga mi ni a inhriain a tello chuan Zoram chu fel hlelin a hre tlat thin. Pu R. Vanlawma hian thil ropui leh hlawk zawk chauh ni lo in thil engpawh a tha leh dik chu a pawm a, a tha lo ni a a hriat chu a hnawl mai thin, tiin a sawi.

Prof. Sangkima, President, Mizo History Association in thupui “ Contribution of R. Vanlawma (1915-2006) to the people of Mizoram “ tih a sawi a, chawhnu lamah sawihona hun hman a ni.

Symposium hi Prof. Vanlalringa Bawitlung in a kaihruai a, Pu Lalbiakzuala, Principal, Govt. Aizawl College leh Prof. JV Hluna, Vice President, Mizo History Association ten thu an sawi bawk.