Khatia ka chiangkuang lo kha, ka chiang lo em em mai. Manganthlak tak a ni!
Zankhat chu e'nge ka hriat ka hre lo, damdawi chi thar ka siamchhuak alawm le.
Kan inah ei theih chi awm zawng zawng - tel, chi, chini, aieng, mosala lam leh fridge-a kan nu dah sauce chi hrang hrang chu ka chawhpawlh vek a. Tui leihin uluk takin ka chawhpawlh a, burah ka thun a.
Taksa tana ei tur ṭha rinreng khatia han chawhpawl kha ṭhat loh ngaihna awmin ka hre lo!
Ka kalna apiangah khan ka keng ṭhin a. A khat tawkin ka in zauh zauh bawk ṭhin a. Ka chak phah sawtin ka hria a.
Hetih lai hian Lawn Tennis khelh ve zauh zauh ka ching a. Ka Tennis khelhnaah te kha ka keng a. Kan chawlh lai khan ka in ṭhin a. Ka ṭhiante in tir ve ngial ka tum pawhin an duh ve lo a.
Zan khat chu ka ngaihtuahnaah damdawi dang siam a lang ta a. Ṭha dawn riauin ka hria a. Bur hranah damdawi dang chu ka siam ta a.
Kan ina inhnawih tur lam chi ka hmuh zawng zawng chu ka pawlh leh ta a. Powder, gel, hair oil etc. te chu inhnawih chi atan ka siam chhuak ta a. Uluk takin burah ma dah a. Ṭha dawn hlein ka hria a.
Taksa tana thil ṭha zawng zawng pumchhunga lut chi zawng zawng chu bur khata ka siam tawh a. A ṭha hlein ka hria a. Taksa chhung lam, pumpui lama lut chi ni lo zawng zawng, thik ṭha hkir mai han chawhpawl chu pawn lam taksa tan ṭha hle dawnin ka hria a. Ka hlim em em a ni.
Kan damdawi siam thar chu vun tan te, ke ulh atan te a ṭha dawn hlein ka hria a.
Hetih lai tak hian kan ṭhenawm Kima Chhangte (Musician) chuan a banruh a tina hlauh mai a. Hna pawh thawk hleithei lovin a awm a.
An chanchin ka hriat chuan an inah ka kal a. Ka damdawi siam chuan ka chulh a, ka nuai sak a.
"E'nge a an awm?" ka tia, "A ziaawm deuhin ka hria," a tia! Min zah vang nge a ti tak tak ka hre lo. Kei kha ka tihtak hmai si a. Ngeih lo nih kha a hreh pawh a ni mahna!
"A nih leh ka inchi siam damdawi hi in rawh. A ṭha a nia," ka ti leh a. Kima Chhangte chuan, "U Lenmawi, kha chu ka in ngam ngang lo a ni," a ti ta a.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: