Central YMA Zaipawl lawmluh inkhawm nei

Aizawl | Feb 3, 2024: Kum 2024-2025 chhunga Central YMA Zaipawl member tur mi 21 te chu vawiin Ni 3.2.2024 (Inrinni) hian Central YMA Committee Room-ah lawmluh leh infuih tharna inkhawm buatsaih a ni a. He hun hi Central YMA hnuaia Sound & Music Sub Comtt te buatsaih niin Pu Zosanglura Sound & Music Sub Comtt chairman in a kai hruaia, OB i/c Pu MS Ralte, Finance Secretary Central YMA chuan lawmluhna hun hmangin member-te fuihna thu a sawi a ni.

Central YMA hnuaiah hian Kum 1992-1994 chhung khan Central YMA Zaipawl hi din a lo ni tawh a. Kum 2018 atangin din thar leh niin, vawiina lawmluh te hi Zaipawl Batch 4-na an ni.

Central YMA Zaipawl hian Ram leh Hnam tana YMA hruaitute rawngbawlna kawng hrang hrangah hruaitute tawiawma an feh chhuah thin bakah Sawrkar leh pawl dangte pawhin zaia rawngbawl turin an sawm thin bawk a ni.