Leimin thenfai dawn vangin NH 6 (Airport kawng) hunbi neiin dang dawn

Aizawl | Feb 5, 2024: Vawiin atangin Vaivakawn Zohnuai leimin thenfai hna thawh anih avangin National highway-6 Airport Road (Vaivakawn Zohnuai)-a lirthei tlandan tur ruahmanna hman ani dawn.

Aizawl District Disaster management Authority meeting thuchhuak angin PWD Aizawl Road North Sub Division-III te chuan Feb ni 5.2024 Thawhtanni atangin Vaivakawn Zohnuai leimin thenfai hna an thawk dawn a, National highway-6 Airport Road (Vaivakawn Zohnuai)-a lirthei tlandan tur ruahmanna Sr. SP Traffic, Aizawl chuan asiam a, leimin thenfai hna zawh anih hma chu ahuam ang.

Road Block hun chu : Zing dar 6 atanga dar 8; chawhma dar 10 atanga tlai dar 3; Tlai dar 5 atanga zan dar 8;

Kawng hawn hun chu : Zing dar 8 atanga dar 10 ; Tlai dar 3 atanga tlai dar 5; Zan dar 8 atanga zing dar 6 a ni.

Engtik lai pawhin LMV leh ahnuai lamte chu Sakawrtuichhun Road lamah akal theih a, harsatna tawh a nih loh nan mipuite inhmakhua tura hriattir an ni a. Vaivakawn Sakawrtuichhun road lamah hian nidang aia lirthei tlan atam dawn avangin kawngpui dungah lirthei leh bungrua dah phal a ni lo.