Aizawl | Jan 23, 2024: Mizoram sawrkarin Group B (non Gazette) la tur din Mizoram Subordinate Services Selection Board (MSSSB) thiah a tum chungchangah MSSSB hotute chuan thiah tur a nih thu officiala hriattirna an la dawng lo niin an sawi.
MSSSB hian sawrkar thu an ngaihchan vangin hna lak tur khaihlak a awm nhual a, November 10, 2023-a dilna tawp tawh diltu 8,429 leh 3,406 awmna hna chi hnih lakna tur exam an buatsaih thei lo.
Sawrkar atanga hriattirna anga pawm theih ber tur an dawn chu Deputy Controller of Exam post siam tawh, MSSSB dissolve dawn vanga pek leh loh tura an nih thu hriattirna an dawn chu MSSSB ṭhiah tur hriattirna an dawn a la ni rih.
MSSSB lam hotute chuan, "Official Communication kan la dawng lo. Exam hi kan conduct dawn nge dawn lo kan ngaichang." an ti.
Advertisement chhuah tawh, Exam conduct mai theih chu Sawrkarin ni 100 chhunga MSSSB thiah tumna a awm avangin leh ni 100 ral hmaa hna lak kalphungte an zawh hman dawn loh avangin hmalakna a chawl thuap rih niin thu dawn a ni a. sawrkar aṭanga thu kan hriat hma chuan exam la conduct loh ho chu hma thar an la ta lo ringawt mai a ni.
Written Exam neih tawh, result la tihchhuah loh, interview hmachhawn tur hi Common Recruitment - hna chi li a awm a, heng hna chi li ah hian mi 88 lak tur a ni. Chungte chu High school Teacher - 52 (School Edu), Circle Officer (Co-Terminus) - 36 (SW&TA), Center commander - 1 (Home) leh Local Administration Officer - -1 (LAD) te a ni.
Concern Department aṭanga requisition hmuh tawh, Advertisement pawh tihchhuah tawh, application form pawh an dawn tawh leh form fee pawh department a an thawn tawh, exam buatsaih mai theih hi hna chi hnih a awm a. Finance hnuaiah AAAO & AAO hi mi 43 lak tur niin, diltu 8,429 an awm a, Excise & Narcotics hnuaiah Sub Inspector hna hi mi 7 lak tur niin, diltu 3,406 an awm a, heng hna pahnihte hi November 10, 2023 khan dilna hun a tawp a ni.
Mandatory Departmental Exam atana advertisement tihchhuah tawh hi hna chi hnih; P&E hnuaiah Junior engineer leh Excise & Narcotics hnuaiah Sub Inspector te a ni.
"Tuna kan awm danah hi chuan Kan kal dan zel tur a la chiangkuang lo." an ti a. Exam conduct tawh hi interview kan conduct dawn nge dawn lo pawh a la chiang lo, exam result hi tunkarah tihchhuah beisei a ni." tiin Explore Mizoram an hrilh bawk.
MSSSB ṭhiah hi sawrkarin Ni 100 chhunga an tih turah a tel avangin, MSSSB lam hian hna lak thar turin hmalakna an nei tawh lo.
MSSSB hian din a nih aṭangin sakawr hnathawk tur Group B (Non Gazette) atan mi 240 a recommend tawh a, heng zingah hian 2021 - 22 chhungin 32 an la a, 2022 - 23 chhungin mi 79, 2023 -2024 chhung hian nikum December thleng khan 129 an la tawh a, a vai hian a din tirh atanga direct recruitment a lak tawh zawng zawng hi mi 240 an ni.
Heng bakah hian MSSSB in exam a buatsaih atanga lak tawh hna chi hrang hrang a awm a, Limited Departmental Exam (LDE) atanga lak tawh hi 149 an awm a, Departmental Exam atangin 3051 an la tawh a, Regularisation Group B (NG) hi 166 awmin, Confirmation Group B (NG) post hrang hrangah mi 1,350 la tawhin, Conversion Group B (NG) mi 43, absorption Group B (NG) hi 43 a ni tawh thung.
MSSSB hotute thusawi hrang hrangte:
• Kan phak tawk leh hriat theih chinah chuan, a tling zawk paiha a tling lo zawk lak pakhat mah kan nei lo.
• MSSSB hna lak chin Group B (non Gazette) ni lo, hna lak dangah sawi zawm an ni nasa a. Mizoram Assembly Secretariat hna lak leh ZMC a Nurse lakah pawh a post hmingah ngaihpawlh theih a awm avangin sawizawm an ni!
• Chhawr tlak loh lak an neih an hre lo. An chhungte ngei ngei pawh an exam a, an tlin loh chuan an tling lo a ni mai.
• Tute emaw sawipui vanga tling lo tur tih tlin pakhat mah an nei lo. Mizoram thuneitute sang zingah MSSSB hotute biaa an duhsak zawngte sawipui chu an awm thin!
• SI exam an conductah post 5 a awm a, mi 2 an exam a, tumah an tling lo!
• Hnam dang pawh an tling mai a. Interview ah minimum mark pek tur a awm miau a, written ah an tih ṭhat miau chuan inpaih theih a ni lo.
• Sawrkar ngaihchang vangin Exam hmachhawn tur a awm thei rih tawh lo.
• Sawrkar aṭangin tih chhunzawm tawh lo tura ziaka thupek a awm chuang lo.
• Dy Controller of Exam chu pek an nih dawn loh thu an dawng.
• Sawrkar hian ni 100 chhungin hma lak a tum a. MSSSB lam hian Feb hian an hna lak mek hi zawh hman an tum.
• Group B non gazette chiah an khawih a, Group dang an khawih lo. An khawih china fel lo awm chu sawisel a, finfiah an cho!!
• MSSSB a din tirh aṭangin, OMR kaltlang deuh vekin exam an kalpui a, exam zawhah answer key an tichhuak a, complain hun an hawng a. Exam te'n an mark an chhut vek thei.
• Interview ah hian mark 40% - 80% inkar pek tur an ni.
• Post khatah diltu 5 aia an tlem chuan, written tel lovin, interview in a lak theih.
• post ruak hnawh khah tur zat let chiah zel interview ah koh tur an ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
(Feedback at: admin@exploremizoram.com )
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Engtin nge MNF sawrkar khan sum nei si lo khan MSSSB kaltlang hian hna kha a lo lak vak vak theih bik? A hmain MPSC lamin hna an lam dawnin sawrkarin sum a nei lo a hna a lak theih loh tihte a ni thina. MSSSB in hna a la nghek nghek thei kha chu a mak deuh chu a ni.
ReplyDeletePost a Comment
He post chungchanga i ngaihdan lo sawi ve rawh: